رد : خساره يازوجي ,, بيطلقني عشان ماضي؟
اهلييين اختي ماندري بايش يقصد طاح علي ماوضح ساله عمي كيف طحت عليها قال طحت عليها وخلاص ،، ماحدد شي معين انو طاح علي فيه ،، والله اعلم بنيته الشينه بايش مخطط له هو وعماتي ،، الحمدالله ماني زعلانه ع قضاء ربي قد ماني زعلانه على نفسي توقعت نفسي اقوى من كذا يعني قبل تصير هالمشكله كنت اقول ليه الحريم يزعلون اذا تطلقو خير ياطير واذا تطلقو ربي يعوضها سبحان الله ماكنت اظن بيوم اني بمر بهالطريق ولاتعتبرون كلامي استهزاء باحد لا لكن كنت اقصد ان الرجال مو كل شي بالدنيا حتى كنت قبل اقول لزوجي عادي لو حصل بيوم وتبي تطلقني طلقني وانا صغيره عشان تجيني فرصة زواج ثانيه وهو كان يقول انتي ليه تتفاولين بالطلاق ؟ وكان يقول بالسهوله تتخلين قلت مثل مايبيع الرجال المره تبيع ،، والحين انا بعيونه اضعف انسانه والله مصدومه من نفسي كنت اظن اني اقوى،، مدري ليه متمسكه فيه مدري ليه اتابع اخباره واحرق دمي ،، لكن حمستوني تونس الحين حذفت رقمه من جوالي عشان ما اشوفه بالواتس اب وبحاول قد ما اقدر ما ادخل تويتر ع حسابه وبعد لاجا ببالي بقول هو خسرني مو انا وبقول يكفي تحملت مغازلته عيني عينك بتويتر ويدري اني اتابعه ،، لكن ربي يصبرني ،، انا بدعي ربي يقدر لي الخير حيث كان ثم يرضيني فيه ولازم اقنع نفسي لو الله كاتبه لي بيرجع لي لو بيني وبينه جبال بيرجعه ربي لي واذا الله مو كاتبه لي لو الناس كلها تجتمع بترده لي ماراح يرجع راح اقنع نفسي من هالناحيه وبفوض امري لله والله بصير بالعباد،، والله يعطيني القوه ويملا قلبي بطاعته،، وشكرا لكم اخواني وخواتي من اعماق قلبي لوقفتكم معي وان شاء الله ببشركم بالاخبار الزينه ،، ودعواتكم لي بظهر الغيب