رد : خساره يازوجي ,, بيطلقني عشان ماضي؟
السلام عليكم ورحمة الله تعالى وبركاته
تمسكج فيه ومتابعتج له ولحقتج وراة تعطية اكبر دليل انج غلطانة وان اشكوكة في محلها !! ليش ماتعرفين تفكير الرجال؟؟ ترى يختلف نهائياً عن تفكير الحريم.
ثم أن كرامة ابوج وكرامتج فوق كل اعتبار ، وخوات زوجج حسبي الله ونعم الوكيل فيهم اذا ظالمينج ويشوفونة ان شاء الله مع ارجالهم.
وامة اللي اخذت شقتج هاذي ام ماتستحي على وجهها ولا تنتخي ولا تعرف العيب ومادري شلون انتي متزوجة من عايلة بهالروح الخايسة هاذي!!
ابوج مسكين وقف وقفة مع قضيتج وداس على كرامتة عشانج فلا ادوسين علية انتي بعد.
خلية يولي والله ماهو احسوفة ان كان هاذي اعلومة ، وربي ولا فيه من الرجولة اشعرة!! وين شهامة الرجال ووين المروئة ووين الشيمة !! نهائياً ماعندة!!
أختي اللي يبيعج برخيص بيعية بتراب ، واللي مايبينا مانبية ، واللي عافنا عفناة لو كان غالي !!
اتفكرين فيه حتى وانتي مشغولة !! مادري منو تفكرين فيه !! نبي ؟؟ صحابي ؟؟ يخسي مية ألف خسوة عنهم
يابنتي ياعزيزتي قصتج صارت اكثر من قصص شهرزاد وشهريار في الف ليلة وليلة !! وبعدين يعني؟؟ شنو هالمصخرة وهالحياة !! وتاليها ؟؟ ياكبر صبرج ماشاءالله علية.
اقولج شي !! اللي مثلة ما اشترية لو بشسع نعل (اكرمكم الله)
خلاص طالت وتشمخت والزم ماعليج كرامتج وكرامة ابوج ، حرام حتى ابوج تلقينة ماينام ويفكر بموضوعج ، ولاتعتقدين ان هالشي سهل علية والله العظيم تلقينة مأرقة وماينام الليل منة!!
واذا رجعتيلة بتلقينة شاك فيج الليل والنهار ، هالشي هذا يا اختي ان دخل قلب الرجال مايطلع منة إلا بالطلاق ، واذا ماطلق يبي يقعد الليل والنهار يشك ، وحياة الشك جحيم وعنااااااااء
شوتية شوتت الكلــ ... !! وانتهينا من هالموضوع وشوفي حياتج.
__________________
استغفر الله واتوب إليه