رد : خساره يازوجي ,, بيطلقني عشان ماضي؟
مساء الخيير،، ماني عارفه شقول لكن احس بقلبي غصه ،، احس انجرحت من زوجي ومن عماتي باللي سووه لي ،، لكن انا ببالي سؤال تتوقعون لو رجعت له كيف بعيش معاه انا متاكده انه يظن اني مو بريئه لان كل تصرفاته تدل انه متاكد اني مثل ما قالو مرات اقول بعطيه فرصه لو جا ومرات اقول لا مايستاهل الفرصه مع ان امه ام زوجي قالت برجعها لو بعد سنه مثل مارجعت زوجة اخوه عشان عيالها بس زوجة اخوه عطوها بيتي وحطو اغراضي بشناط هذا اذا مو باكياس ،، بس سؤالي تتوقعون لو رجعت له يعاملني معامله حسنه توقعون بكون سعيده؟ مثل اول ،،عارفه انه مافقدني عارفه انه مايبيني من كلامهم حتى عماني تغيرو اتجاهي واتجاه ابوي واحد من عماني ماصار يجي ابد والثاني نفسيه يقول لابوي خواتك مالهم دخل ،، خوات زوج بنتك هم قالو والثالث عادي يجي يتقهوى ويروح ولاكانو شي هامه ،، المشكله ابي انساه خايفه يتزوج هو واعرف بيوم زواجه وش راح يصير فيني وخايفه يقولون جته بنت او ولد،، اتمنى ترجع حياتي معاه بس خايفه من تصرفاته معاي خايفه مايكون نفس اول يهتم فيني ويدلعني وكذا،، انا ابي اعز نفسي عنه لكن ماقدرت كل يوم افكر فيه حتى وانا مشغوله افكر فيه،، هو جا الرياض واخذ ولده يزوره ورجعه له يسوي مثل حركات المطلق لكن ليه ماطلق صدق مدري؟ ابي الفت انتباه ،، هو عرف حسابي بتويتر من عمي عمي كان يعرف وقال انت ليه تسب بتويتر ومره تمدح فيك انفصام بالشخصيه قاله وش دراك اني اكتب قاله زوجتك تتابعك وقال ايه تصدق ناسي حسابها وشو حسابها عطاه عمي حسابي راح ارسل لي بتويتر ،، ماطاب جرحي لكن النفس طابت ومابقى شي اضحي عشانه دخلت من باب المحبه والاعجاب وطلعت من باب الجفا والخيانه،، هو كان عارف اني اتابعه وعارف بس ماكان يعرف وشو حسابي ومن عمي جاه حسابي على طبق من ذهب ،، انا يوم شفته ارسل تاكدت ان عمي عطاه وسالت عمي انت عطيته قال ايه هو قال يعرف حسابك بس مضيعه وقال عندك وعطيته حسابك ليه في شي قلت لا بس مابي اتواصل معاه قال ومن قالك تواصلي معه المفروض يعرف حسابك قلت طيب وطنشت عمي وغيرت حسابي بتويتر وسكرت حسابي القديم يعني يطلع عنده ان مافي حساب كذا،، لكن اللي قهرني عمي علمه اني اتابعه ،، وصار عنده ثقه اني ابيه وجلس يزيد بالاشعار مره سب ومره مدح ومره انه شاف بنات ملثمات وذكر الله من جمالهن وكذا يعني،، لكن انا ابي التفت انتباهه شلون وابي يدري انه خسرني وان كرامتي فوق اي اعتبار،، هو مافكر يجي لابوي يتفاهم وماقال ابي اجي لابوها اكلمه احسه كذا مايبيني ودامه مايبيني ليه ماطلق ،، الحل معاه ابيه يعرف انه خسرني بسبة عماتي وخواته من غير دليل ولاغير اي اثبات مجرد قالو كلمه طار بالعج معهم ،، على فكره انا كملت تسع شهور او اكثر ع هالحال؟ والحمدالله ادعي واصلي واذكر ربي واستغفر بس تتوقعون لو رجع بتكون حياتي سعيده ولا لا ،، احس من كثر ماهو يتساهل بموضوعي احس ماعاد اهمه ،،