رد : ممكن أكتب شيء
أول شيء لجين حبيبتي أعتذر لأني تأخرت بالرد عليك لكن بنتي الكبيرة ولدت أمس بعملية قيصرية وتعبت شوي .. ومع ذلك ما قدرت أتأخر أكثر على بنتي الثانية لجين .
شوفي . أنا قرأت كل الردود وخل نوضح الأمور حتى نعرف الطريق الصح .
اللي فهمته من كل الردود اللي صارلي ساعة أقرأ فيها أنه مشكلتك الأساسية هي أول ليالي بحياتك الزوجية وموضوع أمك عذر عشان تبعدي ( ممكن تتصرفي بهالطريقة بدون قصد .. بس الخوف يخلي عقلك الباطن يقنعك بأنه مشكلة أمك ما تخليك تقدري تعيشي حياة طبيعية )
والدليل على كلامي هذا أنه لما عرض عليك خالد أنه ياخذك لأمك مقابل تصيري أنت أم ما وافقتِ بداخلك ولا اقتنعتي .
يعني المشكلة مو مشكلة أمك . انسي مشكلتها الان وبنرجع لها بعد ما تحلي مشكلتك مع خالد
الان وبما اننا حددنا المشكلة نقدر كمان نفهم ليه ما ودك بسرعة وتركزي على موضوع بسرعة ... لأنه فعلا العلاج من صدمة من هالنوع ما يكون بالاقناع بحقوق الزوج وبضرورة العيش حياة طبيعية .. لأن الرفض من الداخل وما تقدري تتحكمي فيه .. والرفض هذا ما يعالجه إلا خطوات متمهلة مثل موضوع أبو نايف بالضبط .
الشغلة ما تجي بإقناع عقل لجين .. تجي بقتل الخوف اللي بداخلها عن طريق التودد والتسلسل بالعواطف والتقارب والتودد للوصول لمرحلة الحياة الزوجية .
وهذا يا لجين ما يقدر يسويه خالد بروحه .. وهو بالفعل بدأ ومشي خطوات مثل التمشية والكلام معك والاستماع لك .. لكنه هو وقف وانتي ما بادرتي وبالتالي وقفنا مكاننا .
ولهذا طلبت منك تطلبي منه تطلعوا مشوار وتحددي المكان .. لجين هذا علاج مو تسلية ولعب .. وأنا أعرف أنك قوية وعندك تصميم وارادة بأن تتعالجي .. واحنا هنا كلنا معك
واخونا البليغ بيتابع معكم انتي وخالد لو شاق انك مستعدة تتحركي ..
الان بدي منك تبدئي .. المسألة ما فيها لا لمس ولا شيء يخوف ... بس تروحي لخالد بضمة ورد بيدك وتقولي له تراني أحبك وأبغى أتعالج حتى أكون مثل ما تبغاني .. وطلبي منك نطلع مثل قبل العمرة ونرجع نتكلم وأبغاك تدخل معي المرسم ترسم معي وأشرح لك رسوماتي ..
خالد أرجوك .. أرجووووك تكون سند للجين وتحميها وتعطيها شعور الأمان هنا وعندك بالبيت وبخارجه وحتى عند أبوها .. تصرف على أنك أنت فقط سندها ورجلها وبتلاقيها تعاملك بما يناسب موقفك .. لا ترضى لأحد يرميها بورده حتى ( تذكر ؟؟ لكل فعل ردة فعل )
وأتمنى ما تقفز خطوات وتمشي بخطوات العلاج وحدة وحدة . ما أعرف شنو قال لك البليغ لكن أنت تعرف توجيهاته ووازن بين كل شي وتوكل على الله واستعين فيه سبحانه ما لنا غيره
__________________
