ابوي الله يرحمه كان يعاملني غير عن اخواني ... كنت المدلله عنده
خذت هالمكانة وبجدارة مادري مع انه نحن مش عائلة كبيرة عشان يحسسني اني غير
الله يغفر له ويرحمه ... بعد وفاته امي خربتني زيادة على قولة اختي
مادري تغار مادري اختربت صدق وانا خبر خير

المهم ...

اتذكرت هالموقف ع الصبح وبخبركم اياه
يوم كنا يهال سايرين شاطيء راحة في بوظبي ورايحين نتسبح
وابوي الله يرحمه كان شاطر في السباحة ونحن بعدنا اطفال ومبتدئين
قبل ما يروح قال لنا لا تدشون البحر وراي تموا ع الشاطيء

لكن وييييييييييين
اول ما دش نحن وراااااااااااه ههههههههههه
اول ما جافنا رجع مسكين من نص البحر
ومعصصصصصصصصب علينا انتو ليش ما تسمعون الجلام

عقب نص دقيقة مسكني من ايدي وخلاني العب معاه ف البحر


الله يغفر له ويرحمه ...


ممكن نرجع اطفال لو سمحتوا

__________________
جزيتم خيرا ع المنتدى الرائع واخوة رائعين، فترة جميلة جدا كانت معاكم، دعواتكم