معظم الرجال يجهلون الممارسه الجنسيه الصحيحه في بدايه حياتهم الزوجيه... اسألي اي 2 متزوجين و بيقولون لج احنا خذنا فتره لين تعودنا على بعض و لين عرفنا كيف نرضي بعض... و إذا على الألم يا لجين...المرأه مب مثل الرجل... المرأه تاخذ فتره شهور لين تحس بالمتعه... أسفه على الجرأه بس انتي لازم تفهمين هالنقطه... انتي جاهله في الأمور الجنسيه و لازم تتثقفين فيها... الرجل ياخذ وقت لين يكتشف مفاتيح زوجته و شو اللي يريحها و يخليها مستانسه...

و ابوج يا لجين... قلت لج اياها قبل.. دلعج وااااااااااااااااااايد و غلط في هالدلع... لأنج متخيله ان العالم كله مثل ابوج.. العالم مب مثل ابوج يا لجين... ابوج الوحيد اللي راح يحبج بطريقته... و خالد بيحبج بأسلوب ثاني... ابيج تفكرين في المستقبل... بعد عشر او عشرين سنه... إذا ابوج مات (الله يطول في عمره) و تطلقتي من خالد... شو بيصير فيج؟ تتوقعين خالتج+اخوانج+أعمامج+عماتج+خواتج كلهم بيطبطون عليج طول العمر و بيعاملونج نفس معاملة ابوج؟؟؟ لا طبعا... راح تشوفين العالم الحقيقي مب الخيالي اللي انتي راسمتنه في راسج...