منتدى عالم الأسرة والمجتمع - عرض مشاركة واحدة

11-07-2012, 09:11 AM

#119

أم سلطان1

كبار شخصيات المنتدى

تاريخ التسجيل: Sep 2010

المشاركات: 2,977

رد : سفر الأزواج

اقتباس:

المشاركة الأصلية كتبت بواسطة أبو خليفه....

بنت الحكمي الله يبارك فيج ,,

الله يهداج حسستيني أنه اللي يسافر برع لازم يروح للحرام ,, مب شرط على حسب رجل وشخصيته ,,

بعلمح شيء عن نفسي ربعي مشكلين صحيح ماحد فيهم ملتزم ذاك الالتزام بالدين لكنهم مصلين ,, وبعضهم الله يهديهم ويصلح حالهم ,, مب معناته لازم أكون مثلهم وأقلدهم بكل شيء على قولتج صاحب ساحب اعتقد مب شرط

لاياخوي ان شاء الله انك مو من هاذي النوعية وانت انسان طيب وتخاف الله ولا نزكي على الله احد وهذا انت قلتها بنفسك انت يمكن عاقل وشخصيتك تختلف عن اصحابك بس مو كل الأزواج يحملون نفس الصفة اللي انت تتمتع فيها فيه ازواج ايمانهم ضعيف وراح يضعفون وفيه ازواج عندهم حب المغامرة والتجربة والتقليد اذا صاحبة سوى شئ يحب يسوي مثله وإلافي نظر الباقين يكون ناقص رجوله وماعنده شخصية ويخاف من زوجته

اخي الكريم ابو خليفة انت قلت ان اصحابك بعضهم يصلي وبعضهم مايصلي هل قد حاولت ان تدعوهم لصلاة وتأثر عليهم بما إنك صاحبهم وتمون عليهم اتوقع ان الواحد إذا كان يحب شخص ويعزه ويغليه يحب انه يكون رفيقه في الدنيا والآخرة صراحة يا خوي انا لو عندي صديقة واحبها واقدرها واشوفها على منكر وانصحها وما تسمع لكلامي ولا لنصيحتي ماراح اصادقها ولا راح احتك فيها بالذات إذا كان المنكر تركها لصلاة ترك الصلاة يا خوي شئ عظيم اللي مايصلي كافر كيف تصاحب وتجالس وتاكل وتشرب مع انسان كافر ضارب بأمور الدين عرض الحائط ولا همه إلا نفسه وشهواته اذا نصحته وما انتصح البعد عنه وعن رفقته ابرك لي واخير وربي يعوضني بأخير عنه ان شاء الله

بقول شئ وانا عارفة انه يمكن اتعرض لهجوم من بعض الأعضاء لاكن بقول وامري الى الله زوجي كان له اصدقاء وله اصحاب في عمله لاكن معظمهم اهل فساد ومايصلون وهذا كلام صحيح زوجي صاحبهم ويعرف كل شئ عنهم واول ما جاء وسافرنا لمنطقته اللي يعمل فيها واستقلينا في بيت لنا كان يزورونه اصحابه وكنت الاحظ انه يأذن ومايروحون للمسجد يصلون رغم ان المسجد كان قريب جنب البيت لاكنهم مايروحون وريحة الدخان تكتم بالبيت وصوتهم وقهقهة ضحكهم واصلة آخر الشارع طبعا زوجي يجي يتوضأ ويصلي عندي في غرفتي وهم جالسين بالمجلس فأنا سكتت وماتكلمت الين راحوا من البيت وسألت زوجي ليش ماصليت بالمسجد قال اصحابي عندي وهم مايصلون وانا استحيت اقول لهم يالله نصلي وانا اعرفهم ماراح يروحون للمسجد انا هنا بغيت انجلط من كلامه وعصبت وولع بطني عليه وماخليت كلمه إلاوقلتها له وقلت له هاذي اخر مرة اشوف اصحابك يجون بيتي وعليم الله لو اعرف ان واخد فيهم دخل البيت ان تلاقيني بالشارع انا وشنطتي وديني لأهلي وعيش حياتك مثل ماتبغى انا ما اغصبك خذ راحتك عقبها جلس يعتذر ويهديني وانا مسكت جواله ومسحت كل أرقام اصحابه وقلت له ممنوع احد فيهم يتصل فيك وممنوع احد يدق باب بيتي عجبك وإلا البيت اللي اخذتنيى منه رجعني له المهم مروا عليه اصحابه في احد اليالي ومع آذان المغرب ودقوا الباب هو بالبداية مافتح لهم بس فضحونا عند الجيران جالسين يصايحون عليه عند باب الشقة طلع لهم وفتح لهم باب المجلس وقال لهم بروح اصلي يالله نروح نصلي ونرجع نتقهوى المهم قالوا له بنروح احنا ناخذ لفة ونرجع لك بعد الصلاة مايبغون يصلون سبحان الله ينصحهم يجلسون يتريقون عليه المهم جاء من المسجد وسألته قال ماصلوا معي قلت هين لما جو دقوا الباب ماعاد باقي الا يكسرونه طنشناهم ومرة جائوا مرة ثانية ودخلو عنده بالمجلس وجاء لي زوجي يبغى اضبط لهم قهوة وشاي قلت له والله ما اضبط شئ وضيوفك ذولا قول لهم يطلعون برى من بيتي قال عيب يابنت الحلال خلاص انا اضبطها عنك وراح للمطبخ وشلت ابريق القهوة من ايده وقلت له مافيه قهوة ومافيه شاي روح قول لهم الأهل طالعين وراح واعتذر منهم وطلبوا يشربون موية وجاء للمطبخ بياخذ موية وامسك جك الموية من ايده وقلت له ولا قطرة موية تطلع لهم المهم هو احتار وراح قال لهم الموية خلصت بروح اجيب لكم من برى هم حسوا على انفسهم وقالوا لا خلاص احنا طالعين بنروح المهم عقبها كان كل مادقوا على رقمه يبغون يزورونه في البيت ما اخليه يرد عليهم وكل ماطقوا باب البيت اقول لهم زوجي نايم ولا طالع المهم هم حسوا ان زوجي تغير عليهم كثير وحاولوا انهم يرجعون علاقتهم فيه مثل اول بس الحمدالله احتويت زوجي وابعدته عنهم نهائيا وقلت له مثل ذولا اعداء مو اصحاب وانا صراحة واقسم بالله لو اعرف ان النصح فيهم يجيب نتيجة اني ماراح اتصرف كذا ولا اعمل كذا والله قبلها كنتةاطبخ وانفخ واشتغل واضبط كل الوجبات اللي يحبونها اصحابه ويعزمهم على بال انهم يتغيرون ويسمعون كلامه ويتأثرون لاكن كانوا يتريقون ويستهزؤون بكلام زوجي وبالدين وكانت كل تصرفاتهم همجية ولانفع معاهم الطيب كان لما يعطيهم مطويات او اشرطة كاسيت يجلسون يستهزؤن عليه ويقولون له يا ابن باز عليه رحمة الله صراحة انا طقيت وماقدرت اتحمل من الكلام اللي يقولونه لزوجي قال زوجي صرت مسخرة عندهم في العمل الواحد كل شوي يرمي عليه سوالف وكلام ماله داعي قلت له خلك بعيد عنهم ولا تكلمهم ولا تجالسهم وحتى الفطور كانوا قبل يفطرون في العمل مع بعض هم وزوجي بس الحمدالله زوجي تركهم وصار عنده اثنين اصدقاء فيهم خير الله يجزاهم خير هم اللي اعانوني بعد الله سبحانه وتعالى وانصلح حالنا وحال زوجي وقدر يتخلص من اصحاب السوء السابقين وتعرفت على حريم اصحابه اللي ملتزمين وكنا نطلع للبر مع بعض الرجال لحالهم والحريم لحالهم ونسهر كل اسبوع في بيت اسرة من اسرنا والحمدالله ربنا صرف كيد اصحاب السوء عن زوجي وترك التدخين والجلسات معاهم والحمدالله صارت جلسته عندنا في البيت احب شئ على قلبه ونفسه وصار مواظب على فعل الطاعات ويسارع لأعمال الخير ونفسيته تغيرت والحمدالله صار اكثر قربا وخشوعا من الله ومن اسرته واهله وكل من حوله وصار حتى المدخنين ماعاد يجالسهم اما اللي مقصرين في الصلاة إلا مايطيقهم نهائيا صارت عنده عقده من اللي يدخن واللي مايصلي وسبحان الله زوجي لو الله ماكتب له بنجاه وما تلاحقت عليه والله وبالله إني الحين يانصف مشاكل هذا القسم منزلتها كان يروح للهاوية مع هاذيك الرفقة الحين اللهم لا شماته نصهم مفصولين عن العمل وعايشين بالإستراحات والشقق واللي عمره طاف 45 وللحين ماتزوج واللي مسجون في قضايا اخلاقية ويارب لك الحمد والشكر اللي ربنا صرف كيدهم وشرهم عن زوجي وهما في البداية حاولوا يشوشوه عليه ويترسون راسه بالسوالف انت ماتحكمك حرمة ليش انت تخاف منها مثل ماجبتها يارجال تجيب غيرها احناةنقط لك ونزوجك على حسابنا وكان كل مايقول لي كذا انا اموت قهر واقول هين اشوف يا أنا يا هما هذولا الحثاله وجلست وراه وراه إلين خليته من نفسه يقول لهم انا ما ابغى رفقتكم ولا صحبتكم انتم ناس مافي وجيهكم خير ابعدوا عني خلوني اعيش حياتي وشهد عليهم بمديرهم في الشغل ان ماعاد يكلمونه ولا يجون صوبه الحين لو فيه احد منهم اتصل ونادر مايتصل علشان العمل فقط كلمة ورد غطاها اما زيارات خلاص استوب خليتهم ينسون لون باب العمارة والله يشهد على ما اقول

الصراحة لما تحس بالخطر يهدد حياتك واسرتك واستقرارك لازم إنك تشوف لك حلول ودبرة اما إنك تجلس تتفرج الين كل شئ ينهار مايصلح وإذا كنت على حق والله إن ربنا يسهل لك ويعينك ويقيض لك من يعينك ويساعدك على اللي انت فيه بس تبغى منك الصبر والعزم والحزم والإرادة والقوة واللين في بعض المواقف اللي تحتاج ان تكون فيها لين مع شريك عمرك حتى امورك تزين انت لازم انك تعطي وتعوض علشان شريك حياتك مايحس بالشئ اللي خسره وافتقده مو مشكلة احرمه من شئ لاكن اعوضه عنه بشئ آخر ما اخليه يحس ابد ولايحن لرفقة اللي كان يقضي وقته معاهم اخلق له جو جديد وحياة جديدة ماكانت على باله وبالتدريج يبتدي يتأقلم ويعيش حياته معاك بشكلةطبيعي واقسم بالله انه يرجع الواحد يتحسف على الأيام اللي قضاها مع هاذي الرفقة السيئة يحس بقهر وضيقة لما يذكرها او احد يذكره فيها معليش ياخوي ابو خليفة انا اسهبت وتكلمت كثير في موضوعك ولا تظن يا اخي إني قصدتك بكلامي لا والله يا اخي فأنت اخ طيب وتخاف الله وتخشاه نحسبك كذلك والله حسيبك ومثل ما انت عارف ان موكل الرجال يجملون نفس السمة والصفات ومو كل الأزواج اهل لثقة وبارك الله فيك وجزاك الله خيرا واصلح الله لك امورك انت وزوجتك ورزقك الله بالبنين والبنات وتعيشون حياتكم بإذن الله من اسعد الناس الله آمين

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق

اشهد ان لا إله إلا الله وأن محمد رسول الله