رد : ماذا أفعل مع شقيقة زوجي ؟!
الان صار من المثالية انه نطلب من الزوجة مراعاة زوجها شوي وأخذ جزء من يوم الاجازة بدل اليوم كامل !!!!!
تخيلي لو أمك أو أختك طالبتك تزوريها وزوجك منعك كيف بيكون شعورك .. هذي أمه .. جنته وناره .. سواء كانت محقه وللا لأ وسواء طلبت لنفسها أو لبنتها فمن الرقي والنبل أن تساعدي زوجك على برها وكسب رضاها .
والله اني رحمته .. أتخيل شعوره وهو بين نارين .. تظني أنه يحب يطلع ويخلي زوجته .. يا ستي بلاش زوجته .. يطلع ويخلي المباراه 
ترى بداخل زوجك قلق وألم كبير وتأكدي أنه بيشيل بنفسه عليك أو على أخته( اللي منكم تنكد وتخلي خياراته شبه مستحيله )..
نصيحة حبيبتي .. لا تكوني عنيدة وطفوليه مثلها وتحاولي تثبتي انك الأولى وهي بتثبت انها الأولى واللي رايح فيها زوجك رفيق دربك اللي بالنهاية بتروح أمه وأخته وتظلوا انتي وهو يوم تكبروا .
حاولي تلاقي حل وسط وأنا متأكدة زوجك بيحفظها لك ويسجلها بدفتر الحسنات
يعني مو لازم يوم الاجازة كااااامل .. استغلي أغلبه فطور ووقت التجهيز للصلاة وبعدها الغدا والشاي ونامي بغيابه شوي تساعدك تسهري معاه لما يرجع .. اقهري أخته اذا كانت فعلا تكيد لك بأن تلاقي وقت متعة لك ولزوجك بالرغم من كل شيء وبتلاقيها خفت عنك لما تحس أنه كيدها رد لنحرها.
__________________
