رد : سفر الأزواج
عيوني تحكيني وفجر الأعياد حبيباتي تقولون كذا لأنكم باقي ماتزوجتوا لاكني اسأل الله ان ماتعدي هاذي السنة إلاوانتم معرسات والعطلة الجاية إذا الله رزقنا بعمر اذكركم بالموضوع واشوف رأيكم تغير ولا باقي مثل ماهو
عندي بنت توها تزوجت مالها إلا سنة وكانت تقول نفس كلامكم بس عقب الزواج لما سألتها تقول لا والله ما اقدر اخليه يفر شبر بدوني زوجي لو راح للعمل وتأخر حتى النوم ما يجيني والمسألة يابنات ماهي مسألة ثقة وبس إلا مسألة خوف على الزوج وحب وشوق له احيان الوحدة منا صعب يعدي عليها يوم وهي ماتشوف وجهه يعني هناك اسباب اخرى غير اني اثق فيه او ما اثق فيه اشياء تعيش الزوجة بقلق وخوف وتعب نفسي
وبعدين خلاص هو الحين صار متزوج وعنده مسؤليات مرتبط فيها زوجته واولاده وبيته المفروض ان الواحد تكون سعادته بقرب زوجته واطفاله وفي وسطهم مو مع اصحابه وفي ديرة الله اعلم بحالها زوجته او طفله لو تعرض لطارئ لاسمح الله وصار لهم شئ وماوجدوا من يسعفهم وراحوا فيها وهو حضرته مسافر يشم هواء الزوج عليه مسؤليات ولازم يتحملها لو هو مسافر بنفس الدولة اللي انت فيها تهون اما انه يقطع بحار وانهار بمسافات مئات الأميال وليش علشان يشم هواء طيب مالهواء عندنا موجود ونقي في مصايفنا الطائف وابها والباحة والله انها اطلق من الف ديرة واحسن شئ انت وزوجتك واطفالك تسطحبهم معاك تونسهم وتفرجهم وتلعبهم انا اعرف ان سعادة الرجل المتزوج من سعادة اسرته صراحة بعض الأزواج ماشاء الله تبارك الله حتى اللقمة مايتهنى يحطها بفمه إلامع زوجته واطفاله ولا يرتاح باله ولا ينبسط الا معاهم يعني هما مصدر سعادته كلها حتى اصحابه وكل شئ يربطه بالعزوبية ينساه
اما البعض الآخر تلاقيه لو عنده 10 عيال وزوجتين باقي عايش حياته كالمراهقين يطب من دوله لدوله ومايدري عن اسرته وعياله فين الله حاطهم مدري وش فيها لو سافر مع زوجته واطفاله يشمون هواء وإلا الزوجة والعيال وهم معاه بيحطون له كمامة علشان مايشم الهواء طيب اقل شئ يشيل زوجته معاه والعيال يخليهم عند جدانهم اهل امهم او اهل ابوهم
وش فيها اول شئ يقضون شهرعسل من جديد ثاني شئ يتونسون مع بعض ويجددوا ذكرياتهم مع بعض
هاذي وجهة نظر شخصية
الله يادلوعة مودي ليتك تدخلين وتقولين لنا رأيك بسفر الزوج مع اصحابه لعلى وعسى بعض الناس تتعض بكلامك .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله
التعديل الأخير تم بواسطة أم سلطان1 ; 09-07-2012 الساعة 04:28 AM