السلام عليكم ورحمه الله وبرركاته

اولا حبيت اشكركم على تفاعلكم مع الاعضاء وآرائكم السديده ماشاء الله تبارك الله مثل العائلة وكل واحد ينصح الثاني

فحبيت اخذ مشورتكم في موضوعي لاني بصراحه مو عارفة شنو الحل تعبببببت وانا افكر

فالبداية انا مملكة من عشرة شهور زوجي كريم لا يبخل علي بشيء و يحبني و يعاملني باحترام و الكل يشهد له باخلاقة العالية و يحترم اهلي ويقدرهم ...

نجي للموضوع اللي محيرني ومضايقني ... زوجي طول يومه فالمقهى يخرج من دوامه يتغدى ويروح المقهى يقعد لين المغرب هناك وبعيدن يجيني ونطلع بحدود ساعتين بعدها يرجعني وفي هذا الوقت اترجاه يقعد معاي ويتعذر بأن بكرة دوام ولازم ينام من وقت واتفاجأه بأنه راح المقهى ويقعد هناك الى الساعه 1 بالليل << طبعا عادات وتقاليد دولتي ان المملكين يقدرون يطلعون ويتمشون حتى الى الفجر شي عادي

نجي للمشكلة الاكبر احس زوجي بارد يعني مايقرب مني مايبادر بشي حتى يوم سافرت معاه لليلة وحده الى دولة مجاورة ماقرب مني لاحد يقولي ينتظر العرس لانه يوم كلمته وقلت له شفيك ماعندك احساس قال لي انا عادي وانا ماتزوجتك عشان جسمك ولا شكلك ...

وقبل كم شهر صارت لي مشكلة مع اخته اتصلت لي وتصرخ علي بانه صار موضوع وانا قلت حق زوجي المعلومات اللي اعرفها واهوه عصب وقال لهم انه رافض هالموضوع بناء على المعلومات اللي قلتها له واحين اذا اروح لهم محد يكلمني ولا احد يسولف معاي

احين انا مو عارفة ماحس اني متزوجة حياتنا كأنه اثنين متزوجين صار لهم 10 سنين مو عشر شهور ... يمكن ايجابياته اكثر من سلبياته بس احس سلبياته وايد مأثرة في نفسي