اللي قالت الماس اشوى انك مو زوجتي حسستيني ان الألماس فضة ههههههه

ياجماعة تكفون خلونا نتعلم البساطة ، ونعلم اللي حولنا ان الهدية بروحها المعنوي مو بقيمتها المادية ، شوفوا الأجانب لو الرجال يجيب لزوجتة وردة "تنصرع من الفرحة" ههههههههه

وشوفوا أعيالهم يجيبون لهم لعبة تركيبات او باربي ويقعدون "يبكون" من الفرحة ، مو عشان انهم محرومين !! بالعكس روح الهدية فرحهم.

أذكر أني اشوف التلفزيون مع أمي ، وقاعدين نتفرج على فلم وانا المترجم طبعاً ، وجا الزوج وأهدى زوجتة لوحة رسمها بأيدة وكانت جداً بسيطة والرسمة عادية جداً ، ف فرحت الزوجة حيل ، فقالت امي " قطع رجل وش هالبخل وش اللي جاب لزوجتة ذهب او ساعة"

فقلت يمة هذولا يحبون الهدايا بروحها المعنوي مو المادي ، انتم اللي مايملي عينكم شي والإحساس هذا عندكم متوقف إلى إشعاراً أخر ، ف قالتلي بالله ما تكرمنا بسكوتك.

اخوي ابن صنعاء
ألف مبروك يارب ، انا مرة زوجتي اتعبت بالمستشفى بعيد عن قلوبكم ، وجبت لها حلاو جواهر ولزقت فوقة باقة ورد جداً جميلة مع شوية قلوب وحركات رومانسية وجبت كرت وكتبت فيه مشاعري.

صحيح حسيت انها تبي تاكلني لانها متوقعة مني اجيبلها شي اغلى من كذا عشان اتشيحط فيه قدام اهلها وصديقاتها ، ولكن انا مابي اعودها على الاشياء الغالية مو بخل بس الشيء الغالي ماينجاب بعدة الا الشي الإغلى ، ولو جبت ف يوم شي ادنى من مستوى الهدية الأولى بياكلونك بقشورك

( وعلى الطاري الحريم اليومين مايصدقون على الله يترقدون بالمستشفى عشان يجونها الحريم بالهدايا وتنملي توبكات الواتس اب بالتحمد لها بالسلامة "عليهم نفاق" )

قدم اللي يعبر عن فرحتك بهالمناسبة ، ولا اتكلف !!

موفق

__________________
استغفر الله واتوب إليه