أشفقت عليك كثييييير تدرين ليه ؟

لأنك أعطتيه شي مايستحقه !
شي أكبر منه !
شفتي عيوبه ايجابيات وغضيتِ طرفك عن تعامله السيء معك !
كله عشان شي اسمه حب !!!
ياأختِ الله ياخذ هالحب اللي وصلك لهالضيقة اللي إنتِ فيها
مع واحد مايحس ولا على الأقل يجاملك ويجامل أفعالك الحلوة معه !!
زوج من شهر العسل وهو يعاملك بالجفاء ؟
متزوجك ليه ؟
وصابره عليه من غير نقاش وحوار يقرر مصير حياتكم ليه ؟
علشان تحافظين على الحميمية والهدوء بيتكم !!!
غريب أمرك وتفكيرك حتى ولو كنتِ تحبينه كثر الدنيا
مايسمى الحب (حب) وهو من طرفك أنتِ فقط ؟!
تدرين !!
أنا ماأحب روح الإنهزامية والتضحية على حساب البدن والقلب !
خذيها قاعدة مادامك أرخصتِ وقللتِ من نفسك في سبيل تضحية في غير محلها ومع شخص مايستحق
ماأحد راح يحسبلك حساب ولايرفع من شانك ويحفظ حقوقك في حالة وجود شخص مايعرف (السنع)
أهلك بعيدة عنهم وماتكلمينهم بحجة المال عذر منه (بايخ) و(غير شهم) من زوج لزوجته في أول حياتهم !
ومسألة إنه شهرين ماتطلعي إلا مرة ومايطلعك إلا إذا ناموا الناس ! وش عذره ! وليش ماتسألينه عن السبب؟
أرجوكِ ياعزيزتي لازم تكوني أقوى من كذا وضروري تخبرينه إنك إنسانة تستحقين تعيشين حياة كريمة
ومقابل حبك الكبير له لازم تحصلين على أقل تقدير إحترام !
بصراحة ماقدرت أقرأ كل اللي كتبتيه لأنه يجيني شعور ماأعرف اش اسميه لما أشوف شخص يستجدي الحب
على حساب كرامته وراحته من شخص شاف نفسه وقلل من قيمة شريكه !
أتمنى لك حياة كريمة ..