المشاركة الأصلية كتبت بواسطة روح الطير

تعرفي !!!


كنت إذا اهتميت مرة في زوجي، قالي إنت بس تبغيني ملاصق لك 24 ساعة ؟

إذا انشغلت بزميلاتي، قالي أنا اخر اهتماماتك ..
صحيح ما يعجبهم شي

فصرت أوازن ..


لا أقطع علاقاتي و أهملها، و لا إني أخلي عالمي الوحيد هو زوجي و بس ..
و لا انشغل مع زميلاتي و مناسباتهم، و أهمل بيتي و زوجي ..

بس اللي فهمته منك إنك مو مقصرة مع بيتك و لا أولادك و زوجك ..
لا أبداً ما أعتقد اني مقصره بحقهم، بحاول أوازن بين زوجي و العيال و البيت و الجامعه و نفسي

.
.


بأبين ليش الرجال .. ما يعجبهم شي ..؟؟؟
بس حطي ببالك، زوجك عكس زوجي ..
و بعلك بيتوتي، بس بعلي العكس ..



أول ما تزوجت كانت علاقاتي كثيرةة مرة .. و لحد دحين بس ما صرت اهتم مثل زمان ..

( كان زوجي بس يقولي أنا اخر شي تهتمي فيه .. أنا اخر اهتماماتك ..
إنت أهم شي عندك فلانة و علانة ووو إلخ .. إنت ماتفكري فيا ) ..


كان يتمنى حياتي تكون ( هو و بس ) ..
حتى ما يبغى أطفال .. و يقولي متى نسافر و نعيش أنا و إنت و بس ..

.
.


سافرنا للخارج، و قلت خليني أعوض زوجي و أتفضى له ..
ولدي كنت تاركته عند أمي ، يعني فاضية له مثل ما كان يبغى و كنت تعودت على وجوده جنبي ..



( كنت مغتربة و لغتي مو قد كذا، و و ساكنين وسط انجليز و مانعرف عاداتهم ..
و أنا الوحيدة اللي متحجبة و ما أعرف أي وحدة عربية ؟؟؟؟
و حزينة لفراق ولدي و غربة و دراسة و غيره )


صار هو اللي يغيب كل شوي و ينشغل عني بأصحابه و ما أشوفه غير بالليل ..
وقت أقوله طفشت و تاركني لوحدي ..


لحد ما قال لي بيوم ..
( على بالك بأجلس لك 24 ساعة ؟ أنا مو فاضي لك )
و نسي كلامه اللي قبل ..


مجرد ما قال لي ( أنا مو فاضي لك ) ..
انصدمت بكلامه و تغيره .. و بدأ يتغير علي وقت صرت بالغربة لوحدي و ماحد عندي ..

قررت إني اصنع لنفسي عالمي الخاص، و أخلي عندي خصوصيات بعيد عنه ..
لإنه هو ( حبني بالشخصية المستقلة و الإجتماعية و كذا ) ..
( بس إنت زوجك يا لوفي شكله يحب الزوجة البيتوتية ؟؟ )


.
.

صحيح يحب الزوجه البيتوتيه بس كمان في نفس الوقت يحب الزوجه الطموحه اللي لها أهداف في الحياة،
عشان كدا هو أبداً ما منعني من الدراسه و يساعد و يشجع

رجعت الحمد لله استرديت قوتي و ثقتي بنفسي و استقليت عنه و بديت أخذ قرارات و أنفذها ..
و تعبببببت عشان أتعود و ارجع مثل قبل ..


صرت ما أستناه، لإنه كسول و يأجل كل شي و بس ينام أو ياكل أو يروح يشوف أصحابه ..

بديت أشغل حالي و اتعرفت على كم وحدة عشان انشغل عنه .. و أصلا كنت مضغوطة مع الجامعة
ما صرت أخليه ( رقم واحد ) في حياتي .. و كانت عندي شغالة جايبتها معاي برة لولدي ..


.
.


بس الصراحة دحين كرهت من حالي الخرجات و الطلعات و كل شي و بديت أنعزل عن أغلب الناس ..
من يوم مرض أمي الله يرحمها و من يوم ما ماتت الله يرحمها ..
الله يرحمها و يغفرلها و ينور قبرها و يدخلها فسيح جناته
مقدره مدى ألمك على فراق أمك الغالية، الله يمسك على قلبك و يصبرك حبيبتي

من وقت مرض أمي و لحد دحين و أنا ما أروح عزايم و لا زواجات و لا أخرج من البيت للمناسبات
صار يقولي ( إنت بيتوتية ، ليش ما تخرجي ؟ )


ما أعرف ؟
يمكن فترة مؤقتة ؟
يمكن أولادي صاروا رقم واحد في حياتي ؟

أشياء كثيره تغيرت في حياتك و محتاجه وقت عشان ترجعي زي أول
مرض أمك و القلق إلي عشتيه، وفاته و الصدمه، الطفل الجديد و مسؤوليته، رجوعك من الغربه و تأقلمك مع الحياة هنا من جديد
كل هذه كفيله انها تغيرك كلياً ولكن كل هذا بس فتره و تعدي يمكن تطول لسنه أو أكثر بس إلا ما ترجعي لنفسك و ترجعي تعيشي حياتك القديمه
تفائلي خير يا روح و إنتي ما شاء الله انسانه قويه و عاقله
.
.


صار دحين نفسه إني أخرج .. و وقت أسأله طفشان مني ؟
يقولي ( هذا جزاتي اللي حزنان عليك، عشان تغيري جو و تنبسطي ) ..

<-- كلام نورة اللي وصفت الرجال اللي يخلوا حريمهم يسهروا براحتهم ، كأنها توصفنا


++++++++++++++++++++++++++++++++++++++++++++



صحيح إنه الرجال ما يعجبهم شي عزيزتي ( لوفي ) ..
و ما أنصحك تقطعي مرة علاقاتك، بس تخففي منها شوي ..

بس انت مثل العطشان، انحرمتي من الخرجات بسبب مكان السكن القديم ..
و أتوقع لو تركك زوجك براحتك، إنك راح تملييييي مثلي ؟؟؟؟ مجرد توقع ..

قلت لزوجي نفس الكلام و هو يقول إذا خليتك على راحتك راح تضيعي و ما ترجعي
يلا ايش نسوي
.
.


بس إنت زوجك تعود إنك دايماً في البيت، و أنا زوجي تعود إني دائماً متواصلة مع زميلاتي ..
مو صح ؟؟؟

صح بس الظروف هي اللي اجبرتني على كدا
و إلا لو كنا في بلدي ما كان شافني كدا أبداً
.
.


يعني زوجك ( اتعود المشكلة ) .. و صعب تغيريه بسرعة و تعوديه على طبعك الجديد ..
بالتدريج ، و بحيث ما تحسي بيوم من الأيام إنك تنازلتي و ضحيتي عشانه و الشيطان يبدأ يوسوس لك