مشكوره نورا و كلامك كله صحيح و عين العقل
تصدقي و أنا اقرا كلامك استحيت على نفسي و قلت معقوله ما تعرفي زوجك شريك حياتك أبو عيالك و محتاجه أحد يفهمك تصرفاته؟؟
فعلاً والله هذا هو زوجي بالتمام،، يا بنت روحي إشتغلي محلله اجتماعيه أو نفسيه و حللي شخصيات العالم، أأكد لك إنه الملايين راح يستفيدوا

زوجي مره بيتوتي، يعني لو أقوله خلنا نطلع برا نتغدى ولا نفطر يقول ماله داعي خلينا في البيت و أنا أسويلك أحلى أكل
أقوله خلنا نطلع الحديقه نتكلم سوى و العيال يلعبوا حوالينا، يقول عادي نقدر نتكلم هنا و العيال مبسوطين ماله داعي
أي طلعه أنا أقترحها مالها داعي، عقدني الصراحه فبطلت اسئله

في نقطه مهمه ذكرتيني فيها و هي الرومانسيه و الحركات هذه
صارلي زمان ما سويتله شي ولا حتى جبتله هديه تصوري، الحين انتبهت لما تذكرت
أنا أساساً ما كنت من النوع اللي يسوي ليالي حمرا ولا من النوع إللي يلبس و مكياج و تكون على زنقة 10
يعني لبسي نظيف و ريحتي حلوة و لبسي مريح و بنوتي و شعري مستشور و مفتوح أو مرفوع لفوق، و مكياج جداً خفيف مسكارا و بودره و لبغلوس و بس
بس وقت النوم أعرف أنوع بملابس النوم، أو أيام المناسبات مثل يوم عيد ميلاده أو يوم زواجنا و العيد و إلخ وقتها أكون زي العروسه بيوم زواجها
و بصراحه في كلتا الحالتين أشوف و أحس تفاعله يكون أقوى لما أكون على طبيعتي بدون تكلف و لبس و مكياج زايد
بس يلا اجازتي بتبدأ قريب و وقتها نرجع للدلع و الحركات النص كم ههههة

الحمدلله اليوم حالي أحسن بكثير، ماني حاسه بزعل منه
و إن شاء الله لما يجي الليله اعتذر منه و نتفاهم

أشكرك من كل قلبي يا نورا والله يباركلك في زوجك و عيالك

__________________

الامومة هي ان تضحي بكل شيئ جميل ليكون في اطفالك الاجمل