هلا بالطش والرش والورد بغرش هلا بروح الطير

كيف حالك وحال اشبالك الصغار

شوفي يالغالية بوسة اليدين والله احنا ماهي موجودة عندنا في

اسرتنا إلا للوالدين ممكن وحسب ارادة الإبن و ليست إجبارية عندنا الكبير الصغار وغير الصغار كلنا نسلم
فوق راسه

بوسة اليد بعض من الأسرة يبوس يدين والديه بس

اما الباقين يكتفى ببوسة الراس وخلاص

لاكن انا الحين اولادي يجون يبوسون يدي وراسي انا وابوهم والله من غير اني اطلب منهم او اعلمهم
سبحان الله من انفسهم بس الصغير يشوف الكبير يبوسنا انا وابوه على طول يطبق طريقة اخوه ويسوي مثله

وكمان عندي واحد من اولادي فيه طبع وعادة احاول امنعه عنها

لاكن يتغافلني ويسويها هو الحين بالصف الثاني متوسط لما يجي

وانا واقفة او جالسة وملتهية في شئ يجلس بالأرض ويسوي نفسه ان فيه شئ طايح منه او يتعمد يطيح شئ من إيده ويجلس بالأرض يدور عليه علشان ينفذ خطته

وما احس فيه إلاوهو ماسك بقدم رجلي وطايح بوس فيها احاول امنعه

وازعل منه واحاول ابعده لاكنه يرفض ويكررها كثير مرات

عكس إخوانه الباقين منعتهم من بوس اقدامي وامتنعوا

وصاروا يبوسون يديني وراسي لاكن هو مستحيل يجي على غفلة

والله مرة مسك رجولي يبغى يبوسها وانا غافلة وخرعني

حسيت بحركة غريبة عند رجولي وقفزت زين ما لقى له شوته

مني ولا كان مسكين يتوب من البوسات كلها

صراحة هو ولدي وانا احبه مثله مثل إخوانه بس ودي اعلمه يترك هاذي العادة

ويكتفي ببوسة راسي ويدي بوسة القدم ماهي حلوة واحس ان فيها له مذله وكمان

القدم نطأ بها كل مكان وماودي يتعود على هذا الشئ

لأنه هو خلاص الحين صار رجال كبير اقول له عيب مايصير يقول

لي وليش عيب الرسول عليه الصلاة السلام قال الجنة تحت اقدام الأمهات

اقول له تحت اقدام الأمهات يعني طيعها وخلك بار فيها مو كل شويه تتبطح عند رجولي عيب انت صرت رجل كبير بوس راسي بوس يديني خلاص انا راضية عنك وادعيلك واعتبر بوستك وصلتني بس لا تعيدها

يقابلني بإبتسامه عريضة ويسكت وبعدها آلاقيه يسوي نفس الحركة

نسأل الله ان يصلح ابنائنا وابنائكم ويهديهم ويعافيهم ويجعلهم من الصالحين الأخيار الأبرار يارب

عاد انا مثلك ادور حل لولدي لو عندك حل اسعفينا فيه انتي والبنات الله يجزاكم خير ويحفظ لكم عيالكم ويجعلهم لكم قرة عين يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله