رد : هدوء الاعصاب
أكتب وانا منقهر منج يا لجين ...
في بداية زواجنا وبالاصح أول أسبوع كنا برع مسافرين صار من بينا أشياء تخص العلاقه الزوجيه غلط كان من صوبي أنا اللي غلط ولا هي كانت تبجي وبس والله كانت عندي بعض الافكار غلط الله يسامحهم ربعي هم اللي علموني بالشيء هذا ونصحوني من باب كسرها وعشان ما تشوف عمرها عليك على قولتهم المهم ما راح أخوض تفاصيل طبعا ردينا بوظبي لانها تعبت من اللي يصير وانا عرفت أني غلط واعتذرت منها بس هي ظلت خايفه وممتنعه عني انا ما جبرتها على شيء وعارف وقدرت أن الموضوع يحتاج وقت عشان تنسى بس طولت سالفتها وكملنا سنه واحن على نفس الموال ودخل موضوع أمها بالخط وصارت مب وياي تماما ً ...
على اواخر سنه الاولى نصحني أخوي وأخوها بزواج بسر من بنات هم يعرفونهم أقل مننا ومحتاجات من ناحية الماده وفعلا تزوجت وحده بس ما طولت وياها كم شهر وطلقتها ,, حسيت الموضوع سهل وتزوجت ثانيه والله كله بعقد وشهود وبحضور أهل البنت بس كنا نشرط بسر واخوها يدري هذه تزوجتها بس شهر وكشفت لجين سالفه وطلقتها خوفاً من الفضيحه لان لجين بدات تهددني والله من عقبها حسيت بغلطي واعتذرت منها وحلفت لها على المصحف اني مب عايد هالشيء بس هي كانت جاسيه وقالت بعلم أبوي بسالفه قلت لها ترى أخوج بعد مزوج مثل حالتي وأخوي أنا بعد متزوج من ورا حرمته اذا بتفضحيني أنا بعد بعلم على أخوج هني هي سكتت ويلست تصارخ وتقول تقارن بيني وبين بنات شارع أنت خليتهم مثلي أنا رديت عليها برد أنا متأكد أنه هو اللي حطم كل شيء من بينا قلت لها اذا هذولا بنات شوارع بنظرتج لانهم مب شراتنا عيل أمج شو تسمينها من أي طبقه يوم أخذها أبوج ( والله كنت من غير وعي وأنا أتكلم ) ما ردت وطلعت من عندي وحسيت فيها لحظتها أني جرحتها ...
بس هالشيء صار مني وهي السبب لانها ما عطتني حقي وأنا يوم تزوجت بالحلال صج بسر خوفا من الاهل
__________________
الحمد لله على كل حال