سبحان الله تحبون المثالية رغم انها لو تحصل بالواقع نقدتم على ابنكم

عفواً على صراحتي يعني تفاجئين ابنك بزيارة تحصلين البيت وسخ كله غبار وهو اللي رابط راسه ويشتغل تنظيف للبيت والزوجة جالسه على مسلسل تركي فاطمة المسكينة كسرت خاطرها

وبتقولين والله كفوا ولدي مقتدي بالرسول والله ان تقلبين الدنيا فوقه ليه زوجتك جالسه وانت تشتغل ؟؟

لو يقولك يمه مافيها شئ الرسول صلى الله عليه وسلم كان يخدم نفسه وخير الناس لأهله وانا اقتدي بهالشئ

بتقولين اقتدي اخدم نفسك جب لنفسك كاس مويه واغسل الكاس بعد ما تشرب ود ثيابك للخياط يخيط اللي خرب منها اذا ماتعرف تخيطها صلح اللمبات المحترقه صلح الدولاب الخربان

اما تشتغل مثلك مثلها لا واحسن منها بعد هأ هزلت اجل ليه تزوجتها ؟ اجلس عزوبي احسن

اذا زوجتك بتنظف البيت امسك العيال ايه ممكن ياولدي تتعاونون بسرعة قبل يصحون العيال من نومة العصر وتخلصون بسرعة ممكن بس هالمنظر بشع

الزوجة كسولة عجزانه تنظف البيت يعج بالنمل بسبب ان الصواني تتكوم في المجلى يوم كامل

ثم تقول يع فيه حشرات اكيد بتجي حشرات لانك تاركه هالمواعين يابنت العز والدلال

واذا الامهات ماعرفوا يربون الا أشباه الرجال

فنفس هالأم وشبيه الرجل فيه شبيهة امرأه همها نفسها ودلالها وزوج يوسع صدرها ويونسها ويمشيها

تقولها الزواج مسؤولية تقووول وناسة بطلع واتمشى بكيفي

صلحي قهوة اللي الفناجيل مرمية بأرض المجلس ووصخه تقولك ما اعرف عمري ما صلحت قهوة

طيب اصحابي بيتعشون عندي الليلة ظبطي لنا عشوة حلوة تقولك الرومانسية قريب رح جب

ثم تتحجج ليه تحب تتعبني يرضيك اوقف بالمطبخ ساعتين اطبخ لك انت واصحابك

لا انتي يرضيك اوقف بالزحمة ساعات علشان اوديك لاهلك تستانسين

الحياة اخذ وعطى واللي ماعنده استعداد يعطي موب لازم ياخذ