رد : بابا المستشار
ابنتي الكريمة لجين السعيدة :
أشكر لك مشاعرك الكريمة وأقدر حرصك على التقدم للأفضل
والدك حفظه الله تصرف بحكمة وإنصاف وعقل وخبرة وسمع منك ومن خالد بحضوركما وخطأ خالد غلط خالد فعل سمع منكما وعلمك الحقيقوة أن الحياة لن تكون لك مثل والدك ولن يدوم والدك لك.
خالد غلط خالد قصر خالد قال خالد فعل
طيب ولجين هل هي مسوي كل شي مطلوب منها صح كل حقوق زوجك عليك لخالد مسويتها وهو بس يغلط عليك؟ عطيه حقوقه واطلبي حقك وصيري زوجة مثل بقية الزوجات ويصير لك أحسن من الازواج لانه يحبك ويغليك ويبي راحته وراحتك معه.
اول خطوة
اتفقي مع خالد كل واحد ينسى أغلاط الثاني وقدمي له كل اللي يبي منك ويقدم لك اللي يبي.
لا تحرقينه بالصمت ولا يحرقك بالعصبية استمتعي بحياتك وخلي موضوع أمك الله يحفظها ويهديها بقلبك وفرغي مشاعرك تجاه هالموضوع بالرسم وكتابة الخواكر والنشر بالنت .
والدة خالد وخواته وخواتك ما لهم ذنب باللي صار بين امك وابوك فعامليهم باحترام وحب وخليك زوجة ولد سنعة.
اكتب بمذكراتك كل مشاعرك وبالواقع تصرفي كأي زوجة ابن وبنت طيبه.
زعل الوالد عليك طبيعي
هو يطلب منك تعيشين حياتك وانتي ما تسوين اللي يبي فانتبهي لنفسك وسوي اللي يرضي الوالد ويرضي زوج عشان ربي يرضى عليك وييسر لك اللي بخاطرك.
بنتي
لو تابعت منك الكلام بالخاص ووش سوى خالد او وش قال ووش رديتي
خالد ما يعلم الغيب وما يشوف اللي بقلبك خالد يشوف أفعالك وما يدري ليش تتصرفين كذا فهميه اللي بخاطرك واطلبي منه يفهمك اللي بخاطره فاللي يسكت يصير إبليس مستشاره ويكرهه بالناس كلهم وأولهم أحبابه.
الله يوفقك ويجمعكم على خير.
__________________
لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.
