المشاركة الأصلية كتبت بواسطة بنت اطيب انسان

الخوف طبيعي لكن خلك متفائل
صدقني بعد الزواج بيتغير كل شيء وبتذكر كلامي مارح تثقل بتجي هي تراضيك وتحاول ماتزعلك من الاساس
بس يبي لكم وقت ويقولون لك السنه الاولى من الزواج صعبة لان كل واحد له طبع وله مزاج وله اسلوب وكل واحد يحاول يفهم الثاني وان شاء الله تفاهمون وتعيشون حياة سعيدة
بس المهم كبر عقلك وافهم الاختلافات اللي بينكم ولاتتوقع ان فيه انسانة كاملة
اذا شفت جانب سيء تذكر الاشياء الايجابية ولاتلتفت لوسوسة ابليس



موفق يارب

المشاركة الأصلية كتبت بواسطة نيوتيلا

الله يجمع بينكم على خير
مثل ماانت تبغاها تفهم شخصية الرجل
نصيحتي لك انك تفهم شخصية الانثى
والاخوان ماقصرو بالنصايح فعلا شجعها وعزز سلوكياتها الايجابية بدل الزعل والتراضي
وانصحك تنضم انت وهي لدورات تأهيل للزواج او تفتح اليوتيوب وتدخل على مقاطع الدكتور
طارق الحبيب وتطلب منها تتابعها ايضا ,, وتقرأ كتاب ( الرجال من المريخ والنساء من الزهرة)
وربي يجمع بينكم على خير