المشاركة الأصلية كتبت بواسطة الفردوس غايتي

الله يهديك يا لوف مجمع لي 24 عضو ع موضوع لحسة مخ 
شوي تقول حب من اول نظرة بعدين طاقة بعد مدري وش
حدد فهمني وش تب تفهم اذا الناس كلها تقول الحب الحقيقي
يكون بعد الزواج انت تبغانا نشرح لك شي ما جربناه ..!!
شوف يبوي بتكلم بوجهة نظري عن الحب
الحب يتكون بين طرفين او من طرف واحد سايلنت زي ما يقولون
اللي بين طرفين هذا يكون اتوقع كل المسميات فيه من نظرة
اندماج ارواح التقاء قلوب كلش يجي الزبدة تلاقيهم متيمين ببعض
مثلا اثنين من صغرهم معروف فلان لفلانة حيجي الحب لا شعوريا
اذكر أنا صغيرة كانو يسمعوني أني لولد عمي الصغير اللي هو بعمري تماماً
و كنا متفقين و احنا صغار و نلعب مع بعض حتي يوم كوبرت ششوي
صارو يمزحون معنا انك له وهو لك هذا ما أقولك انولدت له مشاعر بقلبي
مستحيل أنكرها سبحان الله يوم صرت بسن الزواج اخوه اللي اكبر منه قال يبغاني
و كان كبير بعمره اكبر مني ب 16 سنة لكن عاد النصيب لما يجي خلاص الواحد
ما يقدر يرده و تزوجته طبعا و اخوه الصغير توه يتزوج قبل سنتين
بس الحمدالله ما كان فيه تواصل بينا ولا كانت الحب ع قولتك واصل حده و الشيطان مكبرها
اما النوع الثاني من الحب اللي من طرف واحد هذا تعب نفسي شديييد
اسمحلي ع الاطاله تراي ما انعطي وجه لا مسكت خط
وحدة من صديقاتي مرة جت الدوام تصيح تصييح و نفسها قافله يا فلانة وشبك وشبك
عيت تسولف بغت تموت من الصياح يومتها وش السبب ...! ولد عمها اللي تموت به
و تحبه و دايم تدعي الله يكون من نصيبها خطب بنت خالتها و كان زواجهم البارح
هذا نوع من انواع الحب اللي ما ينفع بريال ما غير دمار لراعيه و بهذلة
وبس طال عمرك ..
عساني ما جبت العيد