منتدى عالم الأسرة والمجتمع - عرض مشاركة واحدة - خساره يازوجي ,, بيطلقني عشان ماضي؟

29-05-2012, 11:30 PM

#348

روزالين 99

عضو جديد

تاريخ التسجيل: May 2012

المشاركات: 8

رد : خساره يازوجي ,, بيطلقني عشان ماضي؟

السلام عليكم

سجلت بالمنتدى بعد ما قراءت مشكلتك و من قبل كنت متابعة مشكلة اخرى اعجبني جدا راي و ردود الاعضاء

بحب بالاول ادعيلك الله يسهل امرك و يحميلك ابناءك ..

في هالدنيا ما حدا راح يفيدك غير ابناءك ثم ابناءك ثم ابناءك ربنا اعطاكي اياهم لشيء معين اهتمي فيهم جدا
مشاكل الاباء دائما يدفعون ضحيتها الابناء فعند صلاتك و طلباتك اطلبي ربنا يحمي ابناءك هم اهم شيء لازم
يكونوا لديك الان ..تركيز اهتمامك

ناتي للجزء الثاني زوجك كم عمره ؟؟؟ صدقيني انه مراهق و لا كانه عارف حاله انه متجوز

اخ بس لو قدامي هالراجل كان فرمته تفريم بس بدك ا لصراحة خسارة ارتكب في خطيئة اجرام ما بستاهل

اولا و ثانيا كلمتي شات قبل الزواج و الا ما كلمتي شو دخله هو ليش يعني لحد هلا حضرته و حضرات اخواته اتدخلوا هلا ؟؟؟ السبب انه غاروا و حسدوكي و لكن اسمحي لي الزوج و ليس اقصد كل الازواج و لكن البعض الي بدلعوا زوجاتهم بكونوا لسبب و السبب انهم لاعوبين و مدلعين خاصة مع النسوان و بحبوا يورجوا حالهم عشان اي وحدة تدوب قدامهم و هدول ما اسمهم رجال للاسف ..

صدقيني هدا الزوج لا يفيدك بشيء امسكي ورقة و ضعي خانتين خانة تكتبين فيها ايجيابيات زوجك و خانة سلبياته و حتعرفي الحقيقة بتصور ما في ايجابيات حتكون خانة فارغة اي زوج لا يهتم بابناءه و لا يتحمل مسووليتهم الاب مش عشان يجي و ياخد الابناء و يشتري ملابس ماركة لو انا مكانك كان مسكت الملابس ورميتهم بوجه الي ما بستحي على حاله عامل فيها رجولة انه يشتري ملابس لو بالاصل بحق و حقيقة بحب اولاده كان ما خلاكي تخرجي من بيتك يوم. كان ما صدق الحكي كان ما عمل فيها مراهق ما مستقبل تنتظرين من هدا الانسان ..(من احب ابناءه عليه ان يحب و يحترم والدتهم قبل محبته لابناءه )

الحلول برايي و هي كثيرة و لا تقولي ابوي ما يريد فضايح للعيلة شوفي هالعيلة اشتغلت شغل تدمير بما فيه الكفاية و للاسف هدا حال العرب اخوة متخاصمين في اكثرية البيوت نرى هالشيء
لا اعرف قوانين دولتكم و لكن ضعي محامي يجبر زوجك يدفع مسوولية الابناء من مصاريف و حتى يفتح لهم بيت لوحدهم طبعا معك و كل شهر يدفع عليكم ابناءك يريد يشوفوهم ما في ترسلي له الاولاد يجي على بيت ابوكي و يترجاكم يشوفهم اوعي ترجعي تبعتيله اولادك ..لانه هو مطمئن ابناءه ببيت ابوكي مش سال لازم تنقطيه تنقيط خليه يتعلم حتى لو ابوكي مش مقصر فيكم هيك بحس بحجم الي عمله حتى هيك بتخلصي على فلوسه حتى لو انك ما تريدين شي منه بس ارفعي عليه دعوة انه هجركم و ما حيبقى معه يدفع فاتورة الانترنت يتسلى على التويتر صدقني ما يلعب ببنات الناس كانه مراهق جاهل
و الطلاق شددي عليه هيك بتخلصي منه اتخيلي ترجعي معه مبين عليه مريض نفسي و هلا انتي على وقت قصتك صارلها اكثر من شهرين ما في رجال بعمل هيك بزعل يوم شهر اما هيك و انتي ولدتي و ما كان معك و لا شاف ابنك هدا مش رجال و ما بستاهل تكوني معه ابدا ابدا شو مستقبل حيكون حيدمر ابناءك و الحب يا عمري في هالايام لا حب و لا ما يحزنون كم من وحدة حبت من اضافر اضافيرها شعلت شموع ايدها لزوجها وشو النتيجة انه خانها و مع مين مع شغالة ؟؟؟؟ هلا كل واحد يحب مصلتحه و مصلحة ابناءه الحياة بتمشي احسن من غير ازواج ...خاصة عندما تكثر المشاكل بين الابوين فالافضل للابناء انفصال الابوين على انهم يشوفوا ابوهم و امهم بخصامات كل يوم و الا نفسية زفت للام و النفسية الزفت للام كلها بتنعكس على الابناء

و احترامي و خالص تقديري لابوكي بجد بوسيه بوسة راس الله يخلي تاج فوق راسكم يا رب
بجد و نعم الاب احمدي ربك الف مرة على هالنعمة بجد بس كنتي تكتبي موقف ابوكي
ابكي بكاء و اقول ما شاء الله ابوها بجانبها و هالشي نادر في هالاوقات
انا بغربة و بتمنى بس مسحة ايد من ابوي على راسي تخفف كثير شغلات علي و لكن الله يصبرني

و انتي كمان ضعي ورقة لكل الشغلات الايجابية الي حولك و حاولي تطلعي فيها بشي
توظفي عيشي حياتك خلي و كرسي حياتك لابناءك لانهم وصية برقبتك انتي الي جبتيهم على العالم
و انسي كل شي و ادا بتحبي اولادك بحب و حقيقة لا ترجعي لزوجك هدا انسان مريض مريض مريض
و عماتك و اخوات زوجك مريضين اكثر ما بفكروا بالاولاد الله يسامحهم بس الله كبير

,وطمنيني على اخبارك متابعة معك ان شاء الله ..و نحن بالخدمة