رد : ابني وأسئلته والإحراج
أنا أشوف إنها طبيعية لأن نفس حالتي اللي أمر فيها
وأبداً مو أكثر من اللازم لأن الولد يسأل طيب ليه دامها حرام يستخدموها؟! ليه ما هم خايفين من الله ؟!
وليه احنا اللي نخاف أكثر منهم؟! مو عارفين انه نهايتهم النار؟!
وفعلاً الإجابات أحياناً أكبر من عمرهم بس لازم نفهمهم حبه حبه
والله يسامحهم احنا نربي ونتعب ونعلم قيم ومباديء ويجي واحد يعيش الولد في جو من الشك
لأنه احنا نقوله شي ونطبق قدامه ويجي واحد في لحظه ويخلي الولد يتسائل باستغراب
واهتمي بهذي المرحله يا جمانه لأنك تأسسيه
عطيه اجابات مقنعه وصحيحه وامشي بكره إذا كبر شوي حايجيب أفكار غريبه من المدرسه
عشان كذا اهتمي في المدرسه اهتمااام بالغ
ولدي الان نسوي محاضرات ودورات ومكافئات ودروس في فترات متعاقبه وبرامج وقنوات هادفه
عشان نمسح مخلفات المجتمع السلبيه اللي نسمعها منه أو يشوفها معانا واحنا في مكان عام
صرت أوريه حتى مقاطع الفيديو لناس كويسين عشان يشوف الفرق بينهم وبين اللي عملوا الغلط ويقتنع
والان صار اكثر قناعه انه فعلاً اللي قلنا عليه غلط هو غلط
واللي قلنا عليه صح هو صح واشتد عوده أكثر والحمد لله لأنه يشوف ناس ثانيه تطبق الشي الصحيح مثلنا
مو بس احنا اللي دايما طالعين في الصوره لوحدنا