منتدى عالم الأسرة والمجتمع - عرض مشاركة واحدة - وجبات افطار للحضانة .. ساعدوني

29-05-2012, 08:26 PM

عضو متألق

تاريخ التسجيل: Aug 2011

المشاركات: 2,267

رد : وجبات افطار للحضانة .. ساعدوني

رائع الموقع ما شاء الله
بس عيالنا ما ياكلو تفاحة كذا ....
لازم تقطيع والتفاحة بالذات ماينفع يتقطع قبل بوقت يتغير لونها ويتأكسد الحديد

عندي ليكي بعض الأفكار:

-تعملي فطاير محشية بخضار مسلوقه اللي يحبها
أو محشيه بفواكه مرشوشة بشوية سكر
وكمان تقدري تحطي مع الفواكه شوية زبيب منقوع عشان يصير طري
وكل ما كان حبات الزبيب كبيره كانت فوايدها أكبر
أو لحمة مفرومة أو دجاج أو تونة حسب حرارة الجو عندكم وموعد فطوره
أو تقدري تجيبي التمر إذا يحبه أفرمي النوع اللي تحبوه واحشي

-تعصري ليه عصير طازه أفضل وتعصري عليه شوي ليمون عشان يحتفظ بمكوناته الطبيعية قدر المستطاع
كمان اعمليله حليب في البيت وذوبي معاه عسل بدل السكر عشان يقعد فترة ما يفسد
وأفضل من المعلبات ذي اللي كلها مواد حافظه مهلكه للصحه

-الشي اللي تشوفيه يحبه قطعي معاه شوية سلطة وحركيهم مع بعض
زي سلطة المكرونة حطيله شوي من الخيار والطماطم قطع متناهية الصغر وكمان شوية جرجير وخس
لحد ما يتعود ويحبها وتقدري مستقبلاً تزيدي الكميات

-اعمليله سندوتشات بس بالتوست وزينيها وسويلها فم وعيون وحركات صعبة

-الكوكيز كمان المنزلي مفيد مررره

-أو سويله بان كيك وحليه بالعسسسسسل الأصلي
أحياناً أسويلهم البان كيك على طريقتي دقيق أسمر وبيض وكم ملعقة من الحليب البودرة وأضربها في الخلاط

-حلوه لما تسوي كيكه خاصة وأقصد فيها تضيفي مكونات خاصه فيك
تزودي الحليب والبيض وهكذا حتى يستفيد جسمه
بس أهم شي لا تكثري بيض ولا يزيد عن أربع أو خمس حصص في الأسبوع
أو دونات
أو كيك بالمكسرات زي الفستق
وابعدي عن السكر العادي ذا خليك على السكر الطبيعي المستخرج من الذرة أو أوراق الشجر
حتى سعراته الحرارية قليلة مره أو على أقل تقدير استخدمي السكر البني

-بنتي تكره الأجبان وجلست أجرب وأجرب لحد ما عجبها جبن كيري وصرت أعمل المعجنات
على شكل ورود وسمك جربي مع ابنك أنواع أجبان لحد ما يعجبه شي منها

-حبت كمان البيض المقلي مع جبن تشيدر لمن يذوووب في البيض على النار

-ورق عنب مع تبوله عيالي يحبوها مررره

-وهذي أفكار ثانية تزيني بيها أكله

بعض الأفكار لتشكيل الفطاير البيتي واللي اعتمدها :

وفي الرابط اللي تحت طريقة تشكيلها على شكل سمكه وعيالي وزوجي يتقاتلوا عليها

http://t3.gstatic.com/images?q=tbn:A...fIfh5mLrT51ifA

والله يعينك الشغله كلها تعب وجربي بعض الأكلات في عرض اليوم وإذا عجبته الله يعينك
شكلي الفطاير مثلاً من الليل وحطيها في الثلاجة والصباح اخبزيها ليه وهكذا
أو اصحي قبل بوقت واعمليله السلطات إذا حبها
و في العمر هذا متعبين العيال شوي بس القوه ما تنفع وراح يكره الأكل زياده
خذيه شوي شوي أما انا عيالي صارت العمليه بالإجبار لأنهم دخلوا المدرسة
وكبار ويفهموا بس الغريب بعد فتره من الإجبار ألاقيهم حبوا الأكل :14:

وعلى فكره جررربت كثير وكان الأكل أحيان ينكب وما ياكلوه وتعبت معاهم الله يصلحهم سنين
وبعدين مشي حالهم كل ما يكبروا كل ما يستوعبوا أكثر