1- علاقتك مع الله سبحانه وتعالى أفضل أم تراجعت ؟ بعد الزواج ؟
علاقتي مع الله كانت افضل قبل الزواج كنت ملتزمه وخلوقه لكن بعد الزواج صرت مقصره شوي حتى اخلاقي احسها تغيرت 2- ماهو شعورك الدائم ؟ هل حالتك دائمة التفكير في الشخص الآخر ؟ أم انها مجرد خواطر عابرة ؟
شعوري دائما احس بالنقص عكس قبل زواجي كنت انسانه واثقه من نفسي لكن حطمني (زوجي) والتفكير بالشخص الاخر اكذب عليك اذا قلت دائمه بس تجي بين فتره وفتره والحين احسه زاد التفكير به لدرجة اني حاولت اتصل فيه بس الله يبعدني عنه وعن كل حرام3- هل تستخدمين المقارنة بصفة مستمرة (في نفسك ) ؟ بين زوجك والشخص الأخر ؟
نعم استخدم المقارنه يكفي لو اكون بيد شخص غيره راح يقدرني تبغى تقول كيف عرفتي لان زوجي مايقدر احد ولا يحمد ربه وربي مايستاهلني ابدا ابدا لكن الحمدلله على كل حال
4-هل كنت على بينة بزوجك ؟أقصد النظرة الشرعية ؟
لا مافيه نضره شرعيه شفته من بعيد بعد الملكه وعجبني لكن انا مايهمني شكله ماكنت اعرف اخلاقه واسلوبه5- هل كنت مقتنعة بالزواج منه أم كان هناك تأثير عليك من أهلك ؟
كنت طفله بثاني ثانوي وكنت جاهله بهالامور وفعلا اهلي اثروا علي ومدحوووه لي ووافقوا عليه بس لانهم خايفين مايجيني غيره بس بعد مااتزوجت قالوا لي على كل الاشخاص الي تقدموا ليه قبله وااتوقع ان اغلبهم افضل منه بس رفضوهم لانهم من نفس العائله 6- كيف كان معك في أيامك الأولى ؟
والله كانت (زفت) آسفه بس كانت انواع المشاكل للعلم هو كان عمره وقتها تقريبا 21 او 22
؟ ثم السنة الأولى ؟ ثم السنة الثانية ؟
والسنه الثانيه نفسها بس تعدل وضعنا شوي لما حملت وتغربنا بعيد صرنا بعيدين عن الناس لكن لما نرجع لاهلنا ترجع نفس المشاكل
ما مدى سعادتك في أيامك الأولى ؟
والله مافيه سعاده ابدا ولاشفت شهر عسل ولاغيره ولا حسيت باحساس اي عروس لا انا ولا اهلي اهلي تعذبوا اكثر مني5_مامدى حبك لأبنك ؟
اللي عندي بنوته الله يحفضها واكييييد احبها واخاف عليها كثير هي اللي كاسره ضهري
6- هل أستخرتي قبل الزواج
نعم مره واحده بس مااذكر كيف كان شعوري لان اهلي بالاصل مااخذوا رايي للعلم انا تركت دراستي وحلمي عشانه ومشيت معه
واللي كاسر ضهري بنتي ودراستي اللي راحت علي تجيني افكار اقول بكمل دراستي وبس اخلص اتطلق منه
ماابي يطلقني وانا بهالوضع واهلي يتبهدلون معي بدراستي ومصاريفي