رد : العلاقات قبل الزواج ؟ ماالحل !!
لي تعليق بسيط على اللي هاجمو توتر وفيس بوك وبلاك بيري.. الخ
يعني الحين انتم تتمنون مافيه جوالات ولا بلاك بيري ولا فيس بوك ولا توتر ولا كامرات ولا ولا ولا؟؟ تبون ترفضون كل هالتكنلوجيا النافعه والعظيمه لانها تسهل لرجالكم وسيلة الاتصال بالجنس الاخر؟؟
تغاضيتو عن كل الفوائد والراحه اللي وفرتها لنا هالتقنيات وركزتو على ان رجالكم يستخدمونها للمغازل؟؟ والله عيب عليكم هذا مستوى تفكيركم.. السبب الرئيسي للخيانه هو ضعف الوازع الديني وهذي كلها مجرد وسائل لو ما استخدموها بيستخدمون غيرها ولا اظن انكم حتى بترفضون تلفون البيت الثابت والسيارة ويمكن نسكر الاسواق بعد وووو
ياليت نكبر عقولنا شوي والتكنلوجيا طورت حياتنا وسهلت لنا امور كثير.. كاميرا الجوال لحالها كشفت لنا فضايح في بلدنا بعد نشر التصويرات ادت الى تعديلات جذرية في بلادنا.. الان المدرس يخاف يضرب طالب لان يمكن فيه طالب ثاني يصوره وهو مايدري.. والمسؤول يخاف يهين او يطرد مراجع لانه يخاف احد يصوره وهومايدري.. و تستمر الفوائد..
فيس بوك وتويتر صارت كانها اعلام جديد حر الناس تعبر فيها عن ارائها بصراحه وصارت ارائنا توصل للكبار وفيه بعض الامور تغيرت واوامر صدرت بناء على رغبات الشعب (فرض زكاة على الاراضي البيضاء اللي بتخفف مشكلة السكن مثلا).. تطور عظيم عمرنا ما حلمنا فيه ايام الاعلام القديم..
وبالاخير تتمنون ان هالتكنولوجيا ما طلعت عشان رجالكم ما يغازلون فيها!!
__________________
