الله يعينك اخوي ويكتب لك الخير

ماادري وش اقول بس اذا مافيه توافق مالله حادكم على هالعيشه يعني لو طلقتها بتتعب شوي بس اذا هي انسانه عاقله وفاهمه ماراح يضرها الطلاق بالعكس بيفرحها لان مافيه وحده تحب تعيش مع احد مايبيها بغض النظر عن كلام الناس

اخوي تزوج وحده تقرب لنا وفي يوم الصباحيه جاء لاامي يبكي يقول مابيها وبطلقها انهبلت امي قالت اكيد احد حاط لكم سحر قال لا بس ماارتحت لها وشكلها مو زي ماوصفتوها لي

المهم قلنا اول يوم ومو معقول انه حكم عليها صح مرت الايام وهو حزين وهي حزينه وتحاول بكل ماتملك انها تكسبه بس هو عجز يتقبلها وكان يضغط علي نفسه عاش 3 سنين بدون اطفال وتروح امي وتاخذها وتعالجها عشان تحمل تبيه يرغب فيها وجابت بنت ويوم صار عمرها سنه راح ووداها لااهلها قال بنتكم مافيها اي عيب بس ربي ماكتب لي نصيب معها وخلاها عندهم وارسل ورقتها وتزوج وعاش حياته ونساها بس امي تقول مااسامح نفسي اني ساعدتها تحمل لانه كان مايبيها وربي مازرع حبها في قلبه وعجز يتقبلها وكان يفترض انه ماصبر لان القبول من ربي مايجي من انك تصبر هذا احساس لايمكن يتغير

وطبعا في مجتمعنا للاسف البنت اذا تطلقت طاح حضها يعني اخوي تزوج وجاب ولد وهي لسه في بيت اهلها وكلام الناس قطعها مع العلم ان اخوي حط العيب بنفسه بس ماسلمت

قلت لك موقف اخوي عشان احطك بالصوره لاتطول الموضوع اذا ماتبيها علمها وقولها تسامحك وسامحها وادعو لبعضكم بالخير واكرمها وطلقها بدون مشاكل والله يغني كلا منكم من واسع فضله ويجعل ان كان في طلاقكم خير انه يعجله وان كان شر يرده باايسر الاسباب

موووفق وطمنا اخوي ايش تقرر