يا خوي انت تبي حد يقول انك ضحية... بس خلنا نكون واقعيين... الرجل يطلق و يقدر يتزوج بعدين لأنه هو من يخطب... بس البنت اللي تتطلق ما تقدر تتزوج الا إذا جا نصيبها... فهمت علي...
احنا مب عاطفيين.. بالعكس نفكر بعقل... و العقل يقول ليش تصبر ست سنين ملكه!!!! هذا العقل يا خوي... ليش خلال ست سنين ملكة ما قررت تنفصل عنها؟ و لا قررت تتواصل معاها؟ و لا قررت تتفاهم معاها؟
هي في نفس الدوامه يا خوي... بل و أقسى... لأنها تعرف مصيرها... المطلقه وضعها صعب لأن الناس ما ترحم... وحده تملك ست سنوات... و الرجل ما يكلف نفسه السؤال عنها.. شو شعورها يا خوي... فكرت هي كيف كانت تحس فيه؟ و لا تقول لي عاطفيين.... لأن هذا مب عاطفه... كيف شعورها و تفكيرها و هي عايشه مع شخص يرفضها كأنثى... الرجل عنده القوامه.... و الرجل هو اللي يدخل الباب و يطلب يد البنت... و لكن ان كان الرجل نفسه ما ملك زمام امره... فلا تأتي الآن و تندب الحظ... لأنك ساهمت فيه بشكل كبير جدا...
انت بداخلك رافضها... لأنك رافض الطريقه اللي فرضت عليك هالزوجه... لهالسبب ما تقدر تشوف فيها شي حلو كزوجه تقبل انك تعاشرها... كلامك كله يدور حول هالنقطه يا خوي...
الأرواح جنود مجندة منها ما تآلف و منها ما تنافر.... يا خوي دام ما تباها... خلاص ريحها من هالعذاب اللي هي عايشتنه و انت عايشنه معاها