رد : الشوفه الشرعيه والاسئله
أقول يا أخوي لاتفكر بغير نفسك ولاتجامل على حساب حياتك هذي زواجة وحياة عمر ووحدة بتجلس وجهك بوجهها العمر كله إذا الله راد
فإذا البنت ماعجبتك خلاص انتهى والشوفة ماوضعت إلا لهذا الغرض وإلا وش فايدتها..؟!!
وبعدين السؤال أولاً عن الشاب ثم تليه الشوفة مو معقول كل من طق بابكم يخطب أختك خليتوه يشوفها
بدون ماتعرفون عنه شيء أو سلوكياته أو تربيته فيه ناس ترى ما تنئمن وينخاف منهم فالسؤال لازم
إذا ثقة وولد عالم وناس ومتربي ويخاف الله يشوف البنت
وأهلك الله يهديهم ماهم مأخذين الموضوع جد
وصهم المرة الجاية ينتبهون وعطهم مواصفاتك إلي تبغاها وأكد عليها وإلي تكرهه في البنت وماتحبه
نبه عليه وخلهم يركزون في النظر
قلهم مثلاً أنا أبغاها عيونها كذا وجسمها كذا وماحب إلي كذا وإلي كذا وحاول تقرب لهم الفكرة
وريهم مثلاً ذوقك في الحريم
لأن فيه إلي يحب النحيفة وفيه إلي يحب المليانه وفيه إلي يهمه الشعر وفيه إلي تجذبه العيون
وفيه إلي يفضل البيضاء وفيه إلي يفضل القمحيه وفيه إلي يفضل السمراء وفيه إلي يبغاها طويله وفيه إلي يبغاها قصيرة أو متوسطة كل رجل وميوله وتطلعاته
وبالأخير أبحث عن وحدة تكافئك يعني التكافىء بينك وبينها معقول من جميع النواحي
وأهم شيء الدين قبل كل شيء ولو تلاحظ أنا شرحت لك عن الشكل لأني واثقة أن الشكل مهم لإعفاف الرجل بعد الدين ولما تكتحل عينه بما يرغبه يرتاح نفسياً مع شريكة حياته وحتى البنت لازم تهتم بكل النواحي في الرجل حتى شكله
وعلى فكرة بعض الناس يعتقد أن الشكل = الجمال الخارق
لا الشكل = أرتياح العين للشريك وياما شفنا ناس متزوجين نساء عاديات وشايفينهم ملكات جمال
وياما نساء متزوجين شيون وشايفينهم حلوين والدعوة ترجع للإرتياح لشكل هالشريك ومايكتبه الله للإنسان
بقلب شريكه من حب
وسبحان الله مسخر القلوب
والله يرزقك بوحده يحبها قلبك وتعجبك وتعجبها وتنسجمون مع بعض