اقتباس:
المشاركة الأصلية كتبت بواسطة لعيون نوف
هل الشوفه افضل تكون قبل الاسئله ولابعد
السؤال ثم الشوفة <<<<< وين عقلك
وووش اصرف هلعالم اللي تسأل وش صار على المشروع افيدونا ?
ما حصل نصيب ... من غير ذكر أسباب.
الله يسر أمرك
انت دايم يا بصله يا قصيرهــ
|
ردودك دايم تواسيني ودايم احصلك في صفي اهنيك على طاقتك الايجابيه
الله يوفقك ويهنيك ويبعث لي وحده مثلك
وبالنسبه لعقلي فهو طار كله من الزواج
اقتباس:
المشاركة الأصلية كتبت بواسطة &عصفورة&
الله يصلحك اخوي كيف تقول فكرت اني ماارفضها عشان الاحراج يعني حاب تكرر تجربتك السابقه مثلاً
الله يهديك هذا زواج مو لعب وبعدين عادي مااعجبتك انسحب وطنش كلام الناس وان حد سألك مافي نصيب
وبعدين اهلك ولا الناس مابيعيشون معك ببيت واحد ولاراح يتحملون حياتك ان كان فيها تنغيص فكر بالمواصفات اللي تبغاها وشدد على اهلك فيها
وربي بيسرها لك بإذن الله
انا حاااسه انها جالسه وحاطه رجل ع رجل وانت تدور عليها
اقصد زوجة المستقبل
وبعدين ترى تعبنا معك متى نشوف موضوع تفرحنا فيه عشان نرتاح من قروشاتك
دعااااابه
اتمنى لك التوفيق بالزوجة اللتي تتمناها وتستحقها وتستحقك وزيادة |
هذا اللي فكرت فيه وخلاني ارفض لان الزواج مشروع العمر وصراحه ماابي وحده تكربن بعدكم سنه
واروح ادور زوجه ثانيه
وبالنسبه للاهل صراحه قصتي محزنه لان امي الله يحفضها من النوع الفاهي يعني كل شي بالبركه
ومحرصها تبقق عيونها ومحرص اختي الفاهيه الثانيه ويوم رحعوا منهم اقول لهم هاه كيف البنت
لازينه زينه بتعجبك طيب اوصفوها ااااااااا ماادري شكل جديد
طيب البنت اكيد بتعجبني ايه ماعليك
وقبلها بيوم جالس معهم وفي التلفزيون فلم امريكي وجت وحده ماهي ذيك الجمال بس حلوه يعني مملوحه بس جبهه شوي
واقول لهم هاه خطيبتي تشبه لذي يقولون لا والله خطيبتك احلى بكثير
رحت اشوفها صراحه حقدت عليهم رجعت قعدت مع الوالده ليه يا اميمتي تسوين فيني كذا
احرجتيني عند الناس وكل التسئيل واخر شي كذا
انتي تشوفينها مناسبه لي قالت ااااااااا بسم الله علينا تصدق ماانتبهت لوجهها
قلت نعم
قالت لاهي اصلا جت وقعدت معنا وكان شعرها نازل على وجهها وعلى طول قامت
وشوله رايحه ماادري
والادهى والامر اختي محرصها تحريص واكلمها الصباح تقول لي يمكن عشانها حطت مكياج طلعت مو زينه
واللي اضحكني صراحه خالتي اقولها مااعجبتني تقول لي طيب تكلمت معها تشوف وش منطقها
اي منطق وش اسوي به ذا
اقتباس:
المشاركة الأصلية كتبت بواسطة Nourh
اكيد الشوفه تكون بعد السؤال
بس المفروض ماتقدم على الخطبه الا وانت متأكد وواثق من كلام اهلك وصفاات البنت لان وضع البنت مو زي الولد
وضع البنت صعب اذا انرفضت بعد الشوفه بعيدن يا اخي المفروض محد يعرف انك شفتها انسحب بسكات
وقل لأهلها استخرت وما ارتحت او مافيه نصيب وما عليك من الناس
انا خطبت لولدي وحده من الاقارب وسألو عنه وبعدين رحنا للشوفه وكانو اهلها مسوين اعلان وعزيمه وعشا للشوفه
بس الحمدلله ان البنت عجبته ....(لكن انا كنت واصفتها له وصف كامل حتى لما شافها كانه يعرفها من الوصف)
الله يوفقك لما فيه خيرا لك ولها |
ماتصيرين امي شهرين الين اتزوج بس وارجعك
امين وياك ويتمم على ولدك ويوفقه ويرزقه من حيث لايحتسب
اقتباس:
المشاركة الأصلية كتبت بواسطة شقر55ديه
احسم امرك ... وبالصالح لك ولها ..
ومالك شغل بالناس ..
|
الله ييسر الامر وشاكر مرورك
اقتباس:
المشاركة الأصلية كتبت بواسطة طالب زواج1
مو تتزوجها عشان محرج
وبعدين ماتعطيها الحب والحنان ترا زيها زي غيرها
لا تتزوج الا وحده مقتنع فيها عشان تعطيها الحب والحنان وكككككككل شي بحياتك.
|
صدقني الحب والحنان خلص صار الزواج لي كعاطل يبحث عن عمل
اقتباس:
المشاركة الأصلية كتبت بواسطة ليش كذا
يااخي معليش سؤال غريب انت الان في مشكلة حلها وبعدين مجال المواضيع
وابداء وجهات النظر له وقته
رايي وانا اخوك المراه جزء كبير من تقبل الرجل لها جمالها
وناس واصلين العلم عند الله لكن عادة بناتهم مدلعات وماتعرف الحقوق الزوجيه
اذا مااعجبتك قل لهم الله يوفقها واستخر وقل مافيه نصيب
|
اشكرك ومبروك عليك الملكه والله يرزقك الذريه الصالحه
والحمدلله ماني فمشكله ولاشي وكان ودي اني تفاديت اني اشوفها ولاتعجبني لاني ماحبيت اني اكسر خاطرها وانتم يالبنات قلوبكم رهيفه اسأل الله انه يوفقها بواحد احسن مني يارب