اخي انا مغتربة باوروبا من مايقارب ال 14 سنة
درست بمدارسهم و جامعاتهم و اشتغلت معاهم و جاورتهم و الحين عيالي مع عيالهم ...
فاممكن ردي يفيدك ..

شفت كثيررات اسلموا ...
و ارتبطوا بمسلمين من جنسيات مختلفة
للاسف . بعض الاجنبيات يكون اسلامهم جدا ممتاز .. و ترتبط بشخص لمجرد كونه مسلم (براسها انه
مسلم معناه .. اخلاق محمد عليه الصلاة و السلام) و للاسف تنصدم بواقعه الدنئ انه اخذها عشان الجنسية
و بعد مايلاقي مبتغاه يرميها سواء حامل او معاها اطفال.. و بعضهم يخطف اطفاله و يرجعهم بلده بدون ماتعرف
وكم من بنات شفتهو جنننننننو لهذا السبب... او رجعو سابوا الاسلام و كرهو المسلمين
(اكيد باذن الله هذا ماينطبق عليه .. بس ذكرته لانه واقع موجود )

البعض الاخر .. تسلم و تتزوج مسلمين .. و تتبع الاسلام للتطرف .. تصير متشدددة
وكل شي حرااام ... و عادة يكون الزوج مش بذاك الالتزام .. فيحصل صدام . لانه ماعندها النصح باللين

وطبعا في اللي سبحان الله تسلم و تصير افضل من كثير من المسلمات
صلاة.. حفظ قران .. نقاب .. دفاع عن الدين .. تكون فعلا فعلا مسلمة .. و تنجب و تربي
اطفالها اخلاق الاسلام و الاسلام الصحيح بطرق التعليم الاوروبية .. فايطلعوا اطفال ماشاءالله عليهم
لكن للاسف اللي عاشيتهم برضو تنتهي حياتهم بشكل تعيس
تدري ليش .. لانه الزوج بعد 5 سنوات .. او عشر او حتى 15 سنة
يبدا يحن لبنت بلده ... يحن لكلامها .. لهجتها .. طبخها .. دلعها .. دلالها (يشتهي حتى يسمع كلمة
عمري و قلبي و بعد روحي بلهجته) .. يشتاق لبيئته و تراثه و يدور يتزوج الثانية
وهنا تحصل الطامة .. تاخذ الاجنبية اطفالها و تسافر .. و روح دور عليها و على عيالك اذا تقدر

لي قريب متزوج من بريطانية .. ظلت على ذمته 20 سنة و بعدها حن لبنت البلد
لما سالوه ليش (لانه زوجته الاجنبية مطيييعة و طيبة ).. قال حنيييييت لبنت بلدي . اشتقت حتى لريحة بخورها


اضف كمان .. زي ماتقول هي مغتربة ببلدك .. يعني هي انسانه متعلمة .. معتمدة على نفسها ..
مستقلة ماديا .. تتصور انها بتكون بطاعة بنت البلد ؟؟؟
مهما كان فكرك متطور و فري و حر ماراح تكون متفتح للاخير .. في شغلات و امور ممكن انها ترفض تطيعك فيها
وتقول لك اقنعني .. ناقشني .. (بعكسنا .. تضحكوا علينا بكلمتين و نرضى ))
خلي ببالك انه بوقت الزعل .. لا تحلم انها تجي تراضيك زي بنت بلدك
هذيك متربية على كرااااااامتي و عزة نفسي لا يمكن تنهان مين ماكان يكون
يعني بتقعد تداري و تراضي و تناقش و تقنع .. عندك حييل ؟؟؟
حتى بتربية اطفالكم بتوجهوا تصادمات في طرق التربية ..

ماحد يقدر يتنبا بنجاح او فشل زواجك منها ... لانه شي بيد الرحمن و بعلم الغيب
لكن فكر منطقيا بايجابيات و سلبيات زواجك
لو نجح خير و بركة و الحمدلله ... و بتاخذ اجر من تعليمها اصول الدين
لكن فكر ماذا لو لم ينجح وهذا شي وارد لاختلاف البيئات الجذري ؟؟؟؟ ايش بتخسر .. بتخسر اهم شي .. اطفالك
بتاخذهم و تروح ؟؟ طيب لو معاك بنات كيف بيتربوا معاها ؟؟

فكر و استخير تممااااام ...
و لا تخلي الشقار يخدعك .. فليس كل مايلمع ذهب

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله