رد : خساره يازوجي ,, بيطلقني عشان ماضي؟
اهلللييين اخواتي ،، ماصار شي جديد لكن زوجي جا مره ثانيه للرياض يجيب امه اللي هي عمتي لاخواتها تسلم عليهم ولما وصلو عمتي ام زوجي اتصلت بابوي تسلم عليه من رقم ثاني لان ابوي ماكان يرد عليها ابد اتصل من رقم ثاني ع ابوي وقالت اخبارك انت بالبيت بجي اشوفك واسلم عليك قالها ابوي انا طالع ماراح ارجع البيت الا متاخر ابوي ماله نفس لهم ،، بعدها اتصلت فيني عمتي ام زوجي وكلمتني ببرود مره وقالت ممكن ترسلين لنا عيالك بنشوفهم قلت ان شاء الله ارسلت عيالي الاثنين الكبير والصغير اللي توه مولود مع شغالاتهم وعاد زوجي شاف عياله ببيت عمي واخذ ولدي الكبير للسوق وشرا له ملابس جديده وغاليه ورجع ولدي وعليه ملابس غير عن اللي لبسته ومعه كيس فيها ملابس جديده وماركه وهو زوجي مايعرف بالماركات المهم وعطا الشغاله الف قال عطيها ماما يقصدني ،، ،، بس هذا اللي صار وهو ماكلمني ولا انا كلمته وانا اليوم اتصلت بعمي بساله عن حاجه وسمعت صوت زوجي عنده حسيت بضيقه وجلست ابكي يوم سكرته من عمي حسيت اني مجروحه منه ومافي ببالي الا ليه سوا فيني كذا وليه للحين ماطلقني ،، وشغالتي تقول ان بابا تقصد زوجي بس ماسك ولدي وانه يوكله ويمشي ورا ولدي وين مايروح مسوي نفسه حنون يركض وراه ويلعب معه كوره ويوم حطو العشا بييت عمي جلس يوكل ولدي ،، وايه ع فكره ترا ماشرا للصغير شي بس لولدي الكبير وايه بعد زوجي سال ولدي الكبير وقاله هذا مين قال ولدي هذا بيبي ماما،، بس هذا اللي صار وزوجي الى الحين بالرياض مارجع للشرقيه جالس ببيت عمي مع امه وخالاته ،، اللي قاهرني لو مايبيني ليه معلقني ليه ماطلقني ؟؟ وودي اعرف وشو تصرفاته هاذي مدري احس قصده انه بيطلقني وبيوريني انه انا اصرف ع اطفالي و اني بعيد واني راح اجي وازورهم واطلع واشتري لهم وانتي بطلقك هذا احس تفكيره بس المشكله دامه هذا تفكيره وناوي ع كذا ليه ماسواها طلق وانتهى كل شي وبقا على وضعه هذا؟ دعواتكم لي احس نفسي معلقه لاني اللي متزوجه ولاني اللي مطلقه