منتدى عالم الأسرة والمجتمع - عرض مشاركة واحدة - للمقبلين .. ما هي نظرتكم للإنجاب ؟

08-05-2012, 04:22 PM

#15

أم يوسف2

كبار شخصيات المنتدى

تاريخ التسجيل: Sep 2003

المشاركات: 8,245

رد : للمقبلين .. ما هي نظرتكم للإنجاب ؟

اقتباس:

المشاركة الأصلية كتبت بواسطة مستشااااار الحب

هلا أختي
انا ما تكلمت عن نفسي .... انا قلت المعروف بين الشباب

لا تعمم اخي .. زوجي كان يرغب في التاجيل ...ولكن انا التي صممت على التعجيل
والان يذكرني و يقول ليتك سمعتي كلامي و اتمشينا وسافرنا
الان اذا قررنا نسافر او حتى نطلع ... خليها على الله .. مضرابة مع الاطفال عشان اللبس
و في الشارع حدث و لا حرج صياح و عويل و اشتري لي و سوي لي
وابي اكل.. ابي حمام .. تعبت من المشي . احملوني ..
البنت تبي رضاعة تبي تغيير تبي تاكل
بعكس اول ايام الزواج وقت ما حبينا نطلع لبسنا و شدينا الرحال لاي مكان
مرة طلعنا على اساس نشتري اغراض للبيت و نرجع و احنا في الشارع
قال مشينا على فرنسا قلت يالله .. و على طول دقيناها ست ساعات بالسيارة لفرنسا قعدنا يومين و رجعنا .. مافي غيرنا ماحد ثاني تهمه ..
كنا نروح مطعم و لا كافيه ... و نقعد نتكلم بالساعات و نرتشق الشاي بمزاج عالي
ونسولف و نضحك

الحين بس عشان نطلع نشتري اغراض من السوق لازم اجهز اغراض العيال
ولازم قبل النزول نتاكد من الخفايض و المماسح و الحليب و اكل للصغيرة
ولعبة لها و عصير للولد و شي نسكته فيه لو بكا
ولازم عصير و شوكولاته ليفضحنا في الشارع
لو رحنا مطعم او كافيه ما نستمتع بالاكل .. على ياولد اقعد .. اهدا عيب
.. ويابنت اسكتي ليش البكاء
مانتلكم كلمتين على بعض ... حتى الكوفي ماعاد نتمخمخ فيه نشربه بسرعة
وهو حار عشان نقوم
العيال نعمة نعمة ... بس لاحقيييين عليها ... عيشو و انبسطوا 3 ولا 6 شهور
ولاحقين على حربهم

يعني اللي تحب خطيبها تقول له : طيب لو على الأقل مجامله علشان ما يقول عنها .. مو مؤهله للحياة الزوجية

الاطفال مالهم دخل بالتاهيل .. بس زي ماذكرت فوق .. الوحدة تحلم
انها تروح و تجي مع زوجها باول فترة .. يدلعها . يمشيها
دلع الاهل شي و دلع الزوج و الحبيب شي ثاااااني .. لطالما حلمت فيه
فاخليها تستمتع فيه لوحدها شوي قبل مايجو الاطفال و يشاركوها

في بعض بنات يفكروا كثير . فالبنت منهم
تشوف انها لسه مش مستعدة تكون ام ( مش زوجة و انما ام لانه مهمة الام صعبببة) .. لسه محتاجة وقت تتاقلم
يالله تتاقلم على حياتها الزوجية وعيشتها بعيد عن اهلها .. فاتفكر كيف بتكون مسؤلة
عن طفل ... لذا كثير من البنات يصابوا باكتئاب مابعد الولادة (لانه نفسيا لسه
مش متأقلمين على المسؤلية)

وبالنسبه لأهله
ما زوجو ولدهم إلا عشان يشوفون ذريته .

وبالتوفيق للجميع

الاهل لاحقين .. ماقلنا نمنع الانجاب .. قلنا تاجيل بس .. يعني صبروا 25 سنة
عشان يزوجو ابنهم .. مش قادرين يصبروا سنة زيادة ؟؟؟

المهم بالنهاية .. طالما انت و خطيبتك متفقين .. خلاص مالنا دخل
بس تعقيبي كان على تعميمك بخصوص انه الشباب ينظروا للبنت الغير راغبة بالاطفال
انها مش مؤهلة .. و رغبتك انت و كل مستعجل في الانجاب المبكر لا تعني انكم على صح
ونحن البقية على خطأ و اننا غير مؤهلات و كنا مسجونات في بيوت اهالينا ..
ربي يعطي كل انسان على رغبته

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله