اولا اسف على الخطاء مدري من فين جات جمانه بس مشي حالك

انا وزوجتي الى فتره قريبه جدا كنا زي مايقولو زي الشحم على النار مانتحمل نشوف بعض الا ونتضارب اخلاقها صارت زفت واخلاقي ازفت كنت اشوفها اعصب اسمع صوتها اتنرفز وهي تسمع مني اي شي تعاند وتعصب صارت الحياه قرف بكل ماتعنيه الكلمه من معنى الى درجة اني اتكلم واحد من اخوانها يتكلم تسمعله وتطنشني وصرت قدامها اطالع في الحريم عناد فيها صارت الحياه عناد وقهر من الطرفين ممكن لان اعمالنا قياديه فهذا اثر على نفسياتنا كيف انا رئيس او رئسه واخضع لكلامه او كلامها وصارت التصادمات عنيفه جدا في اي وقت واي زمان حتى في الاوقات الخااااصه كنا نتصادم وادري انها تحبني وانا احبها لكن جدار العناد والغرور قتل كل شي حلو فينا.
في كلمه كنت ارددها (الي مايرتاح فبيته حيلاقي راحته برا بيته ركزي عليها)
بداية التحول كانت في هذي القصه
كنت مسافر لمدة اسبوعين وكنت اخر الليل اشتاق لها واحاول اكلمها وادلعاها كانت تطلب مني انها تكلمني بعد شوي عشانها مشغوله بمشكله خاصه بخالها في البحث عن علاج مع العلم انه عنده سته ابناء بس كانت مسويه حنونه على حسابي وحساب مشاعري وكنت انتظر الين ثلاثه او اربعه الفجر وهي مشغوله مع اخوانها واخواتها عني والله سببت لي جرح عظيم جدا كونها تهتم في غيري اكثر مني (سجلي وحده)
خصوصا انا شاب ودي اغازلها وتغازلني لكن كانت بداية الانهيار الحقيقي لحبي لها
بعد اسبوعين رجعت وكنت في قمة شوقي واشتياقي لها بكل شكل من الاشكال ولمن دخلت البيت جو اطفالي يجرو علي وحضنتهم وسألتهم فين امكم قالو بالغرفه فتحت الباب وطالعت فيني وانا شايل الاولاد وراحت جلست على الكنبه
طبعا حسيت اني ما اسوى شي بحياتها وخنقتني العبره والله.
دخلت الغرفه وطنشتها بدلت ملابسي واتمددت على السرير جاتني والشرار من عيونها وتقولي ليش ماجيت سلمت علي قلتلها انا الي مسافر مو انتي طبعا اتصايحنا الين ما اتعميت
وكنت جايب معي شي خاص بيني وبينها قلتلها خذي خبيه لاحد يشوفه قالتلي روح استخدمه مع وحده من الشارع ولا ...
كلمه قويه جدا انا هنا انهرت تماما وطلعت من البيت على غير هدى والله مدرين وين كنت رايح و اتصلت علي وقالتلي في حفله بيت خالتي بروح انا ةالاولاد قلتله مايخصني وانا بموت قهر جي من سفر وتقوليلي بروح عزيمهمافي احساس قلتلها اصلا ماتهميني رحتي ولا جيتي انتي اخر اهتماماتي قالت بنلروح معاك تراك واحش الاولاد قلت امر اخذهم لكن انتي دبري نفسك مع امك
قالت مايصير ايش يقولو الناس قلت معاد يهمني الناس وامر اخذ الاولاد وانزلهم والا هي تركب السياره جنبي وتقلي نبغى نتفاهم انا خلاص قررت الطلاق وقلتلها انا ما اقدر اضيع شبابي بدون حب قامت تبكي وتقول الاولاد .
هديت واخذتها مطعم غالي جدا جدا واتعشينا وسويتلها مفاجئه واحتفلتبها في المطعم وجبتلها كيكه مكتوب عليها احبك وشموع .واتصافينا ورجعنا البت واحنا متصافين
صحينا ثاني يوم وكنت معزوم ع الغدا وبسألها في الكبك حق الثوب والا بسم الله الادميه كنها انشبكت في 220 فولت وتصرخ بدون سبب ولوت بوزها
انا هنا خلاص قلتلها هذي النهــــــــــايه ,اتصلت على الوالده مع العلم انا ما احب ادخل احد بمشاكلنا (نقطه للتنويه طلعت عني اسرار خاصه بي عند اهلها سجلي الثانيه)
وامي تتصل وتهدي بس انا خلاص منتهي ومو موقفني الا الولاد
طبعا في هذي اللحظات وانا في قمة انهياري وقهري انا كنت في اشد حاجتي لانسانه تحتويني وتسمعني وتخليني اطلع كل الي بقلبي من حب وغزل.
وفي الحقيقه ما طولت ولقيت انسانه بنفس حالتي لكن والله انه ضميري كان يأنبني لاني الي باسويه غلط لكن انا بشر
باختصار :انا خليت زوجتي تعرف انه في غيرها وابين لها انه( الي ا ييرتاح فبيته يلاقي راحته برا بيته)
طبعا في هذي الحاله بان حبها الحقيقي لي وبينت الي كانت مخبيته قالتلي ليش ليش خنتني وهي جاوبت على نفسها انا السبب انا السبب انا الي ضيعتك من يدي انا الخليت غيري ياخذك مني انا ماكنت عارفه قيمتك الين ما جا غيري وعرف قيمتك واخذك مني انت لي انا بس ولا يمكن اخلي احد ياخذك ثاني.
طبعا بتغيرها لنفسها والدلع الي شفته والله الشباب ما شفتهم في الاستراحه يمكن شهر اني جالس في البيت معاها وانواع الدلع والاهتمام والله اني عايش عيشه ما عشتها وانا عريس حتى العلاقه صارت يوميا بعد ماكانت كل اسبوع مره
الخلاصه
1-عرفت قيمتي
2-عاملتني بحب واهتمام واحترام
3- حسستني اني كل شي وانا الاول بحياتها
4-انواع الرومسيه
5-صوت هادي وطاعه بدلع بدون عناد
النتائج
صرت الرومنسي الخارق الحنون صرت احسسها انها ملكه وانا عبدها طلباتها اوامر

حل الموضوع سهل بس شوية ذكاء وان كل الطرفين يحس انه لو فقد الطرف الثاني كيف بتكون حياته بدونه
فكري لو راح لغيرك ودلعته وهنته كيف بتكون حالتك وايش ممكن تسوي عشان يرجعلك
وهو كذالك لو رحتي وعشتي مع غيره كيف بتكون حياتكم
صدقيني النظره للحياه حتختلف
ابدأو فكرو في مستقبل الاولاد
الله يوفقكم
طولت على زوجتي مو عليكم اسف خخخ