لا حول ولاقوة الا بالله قصتك محزنه ومأساوية بشكل فضيع ولاكن انتي ربنا رزقك نعمه ونعمة كبيرة بالرغم من كل ما مريتي فيه النعمه هية ان ربنا وفقك وتعلمتي وتخرجتي وتوظفتي وهاذي بحد ذاتها اكبر نعمة وهذا هو الطريق للخلاص من كل مامريتي فيه من عذاب خروجك الحين من عند هاذي الأسرة الظالمة والمتسلطة هو طريقك للخرو ج الى الحياة والسعادة بإذن الله شوفي يالطيبة هاذي فرصة وجاتك على طبق من ذهب انتي الحين لازم تكونين نفسك وتستعيدين ثقتك فيها وخليك قوية
فقدنا للأب والأم والأهل ماراح يعيقنا عن مواصلة مشوار حياتنا

حطي قدوتك نبينا عليه افضل الصلاة والسلام محمد ابن عبدالله
عاش حياته يتيم الأب والأم وربنا ما اخذ والديه منه الا وهو كاتب له افضل من ما اخذه منه ربنا عز وجل جعله رسولا للأمة وإماما للمسلمين بالرغم من ما واجهه من فقد لوالديه ومن اذى ومضايقات اثناء دعوته لدين الله عليه افضل الصلاة والسلام
والأذى والظلم والمعاملة القاسية التي واجهتيها من هائولاء العائلة ربنا سيعوضك خيرا على ما اصابك وانت صابرة ومحتسبة

والحين الفرج جاء بإذن الله ونصيحتي لك لاتخضعين لا تذعنين لرغباتهم وطلباتهم لا تاخذك العاطفة وتتنازلين لهم وتحنين وتشفقين عليهم لأن انا اشوف مالهم فضل عليك بل انتي من لك افضال عليهم هم اخذوك عندهم ولم يحسنوا اليك بل امتهنوا كرامتك ودمروا احلام طفولتك وجعلوك خادمة لهم وزيادة تبيعين و تشترين في الملابس بين الناس لصالحهم تعليمك فاعلين الخير ساعدوك على اكماله وهائولاء فاعلين الخير ربنا سخرهم وخلاهم يساعدونك على اكمال تعليمك هائولاء العائلة لايستحقون منك ان تشفقي وترأفي بحالهم اتركيهم وابتعدي عنهم كل البعد ولو حاولوا يضغطون عليك من اجل راتبك الجئي
للشرطة وحاسبيهم على كل ريال اخذوه منك ولا ترحمينهم خليهم يشوفون الى اين وصلت بك معاملتهم القاسية اخرجي لهم وجه غير وجهك السابق خليهم يشوفون امرأة قوية وشديدة لا تخشى ولا تخاف من ظلمهم واستبدادهم لها اللي يضربك اشتكيه وبهذليه
في كل مكان بأي حق يمد ايده عليك انتي لست ابنتهم مايحق لهم فرض كلامهم وشروطهم عليك

ولاتحسبين انك لوابتعدتي عنهم انهم راح يفكونك شرهم صدقيني كل ما احتاجوا المادة راح تلاقينهم عندك لأنك بالنسبة لهم البقرة الحلوب اللي تدر عليهم الفلوس لاكن انتي غيري شخصيتك خليهم يعرفون ان فلانه اللي تخاف وتخشى عقابهم وضربهم لها واللي تعطيهم فلوسها وتخدمهم تغيرت 180 درجة وصارت لها كيانها وشخصيتها المستقلة وانها ليست بحاجتهم بل هم من بحاجتها
خليهم يذوقون الذل والإهانه مثل ماذقتيه منهم ويعرفون ان لوكان عاملوك بالحسنى كان صرتي افضل منهم لاكن معاملتهم القاسية هيه اللي حولتك لهاذي الشخصية

نأتي الآن للجانب الآخر وهو سفرك لمنطقة اخرى وماعندك اي واحد من محارمك انا من رأي انك اذا ماكان عندك خال او عم او جد كبير بالسن تاخذينه معك للمدينه الجديدة اول شئ طلعي الهوية الوطنية اذا ماكانت معك واذا ما عندك احد الأقارب اللي تثقين فيه واخلاقه طيبه شوفي احسن واحد يحبك ويسمع كلامك من اخوانك حتى لو كان عمرة 17 سنه خذيه معاك واستأجري لك بيت وجهزيه اذا ماكان عندك سكن وحاولي انك تأثرين على اخوك وتكسبينه الى جانبك وخليه يواصل تعليمه عندك واشتري له سيارة وخليها بإسمك تروحون فيها مشاويركم انت وياه ولاتقصرين عليه بشئ وفهميه انه اذا تخلى عنك انك انتي لست بحاجته ولاكنه هو بحاجتك وعلشان يأمن مستقبله وتتوفر احتياجاته لازم يسمع كلامك والا يرو ح لأهله قولي له بالحرف الواحد تعيش معاي وتسمع كلامي اخليك تعيش عيشة ملوك تبغى ترو ح لأهلك الله يستر عليك خل السيارة واحجز لك وسافر
وانا الله ماراح يضيعني وبإذن الله ان اخوك ماراح يخيب ظنك خصوصا اذاكان عارف ومطلع على معاملة اهله القاسية لك

وانصحك عملياتك البنكية ورواتبك وفلوسك وكل خصوصياتك حطي عندها خط احمر ولا تفصحين لهم عن اي شئ خاص فيك خليك غامضة وجافة في تعاملك معاهم حسسيهم انك خلاص بإستطاعتك خدمة نفسك ورعايتها ولا لهم اي دخل فيك او في خصوصياتك وحطي في بالك انك انتي انسانة ولك كرامتك وانك اذا ظليتي متنازلة لهم ومتساهله معاهم وخايفة من جبروتهم وبطشهم ماراح تخلصي حالك منهم الا في مستشفى الحالات النفسية انتبهي لنفسك وقولي كفى الين هنا وكفى انا حرة في نفسي ومالي ولي كياني واستقلاليتي ولن اسمح لأي كائن كان ان يتدخل في حياتي اذا تغيرتي من الداخل وبدلتي الضعف بقوة راح ينعكس كل شئ لصالحك وراح يحسبون لك الف حساب

الا هنا واكتفي مع المتابعة لموضوعك مع الدعاء لك بأن ربنا يوفقك ويسعدك في حياتك ويرزقك بالزوج الصالح اللي يعوضك عن كل مافاتك وربنا يبدل احزانك بأفراح ويجعلك من اسعد الناس في حياتهم اللهم امين .


الأخت الفاضلة عيون نوف جزاك الله خيرا وبارك الله فيك على صنيعك .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله