لا إله إلا الله ... ما مقطع قلبي إلا أبوك . والله انه صابر صبر أيوب

يا بنت الحلال فكري بمنطق شوي ... اللي يكلم بنات وحاط اسمه كامل ما يعرف انك تعرفي اسمه الكامل ورايحه تعرفي من هو ؟؟؟ المحترم ولد عمتك قاعد يقول لك بصريح العبارة ما أبغاكوقاعد أكلم بنات غيرك وخل أشوف شنو بتسوي انتي وأبوك ...
أي حب وأي خرابيط وهو يكلم غيرك قدامك ؟؟؟؟؟؟؟ أول مرة أشوف احد يزيد تمسكه بواحد لما يعيفه .. كل ما عافك تتمسكي فيه أكثر!!!!!!!

أبوك ما غير رأيه عن طلب الطلاق إلا لأنه شايف الرجعة بخاطرك ... شايفها مكتوبة على وجهك وبعيونك .. وانا مدري كيف ترضيها لنفسك .. بجد ما ادري


ولدك عمره سنتين وصغير .. اليوم طلب أبوه اللي ما سأل عنه لكن بعد كم شهر بينساه وما راح يرجع يطري اسمه ولا يعرف صورته .

تدرين ليه أبوك يقول لك لما تقرري أن ودك تطلقي منه بعد ما ترجعيله لا تكلميني واطلبي الطلاق على طول ؟؟؟؟ لأنه طلع الحين وكأنه هو اللي يبغى طلاقك وانتي بخاطرك الرجة فيبغى يثبت لهم ولنفسه أنه انتي اللي طلبتي الطلاق مو هواللي حرضك عليه .

تدرين ليه يقول لك لما تطلبي الطلاق بعد ما ترجعي ؟؟؟ لأنه واثق انه ولد عمتك ما هو برجل وما راح تقدري تظلي عنده وبيقهرك ويذلك ومتأكد انك بتتندمي على رجعتك ... بس ما راح يقوله لك الحين لأنه معطيك قيمة لرأيك وتارك لك حرية الاختيار .

اذا انتي ما عزيتي نفسك ما أحد رايح يعزها .... اذا ما جا ولدعمتك وتندم وإذا ما كرر اعتذراه مرات ومرات قبل ما تقبلي اعتذاره رايح يذلك لما ترجعي ...

تبغي أنتي اللي تطلبي منه يجي يعتذر ؟؟؟ تبغي توافقي على اعتذار واحد أهبل منه هذا إذا اعتذر ؟؟؟

انتي حرة ..

ما اقول غير الله يجبر بخاطر والدك ويعطيه العوض

__________________