نظامي للنفاس من تجميعي .. ابي رأيك فيه؟
السلام عليكم ورحمة الله وبركاته
انا معدتي تتعب من كثر اللهوم والاعشاب واحس في خلطها خطورة لذلك جمعت اعشاب خفيفه وتصلح للمرضع بنفس الوقت ابي ازيد 5 كيلو : ) لأن جسمي يرفض السمنه .. لكن ابي رأيك فيه وشكرا
طبعا قبل كل شي تمارين كيجل بالمقدمه : )
اول 20 يوم ،،،
على الريق منقوع حب العزيز لمدة 12 يوم قريت انه ينقي الدم ويساعد على التسمين
وحبوب فروز
مع الفطور : حليب ومعه حلبه وماش
واكل اي شي بر ( مصابيب- عصيده..... الخ معه حبه سودا - فلفل اسود
شاي ( كمون-شمر)
العصر : مع القهوة ( نونخه-مره-عصفر) - تمر مع السمن
شاي : قرفه - قشر قهوة ويحلى بسكر < القرفة لتنظيف الرحم وقشر القهوة قريت انه مفيد لشد البطن
( اهم شي مايطلع لي كرش ) @_@
المغرب : منقوع العنزروت
وقبل النوم : حليب ( حلبه وماش )
واللي اعرفه اهم شي مااحس بالجوع واتدفى طول اليوم
والغسول يكون ( موية -مره)
وتدهن الخيوط بخليط ( زيت زيتون - مره-خوا جوا)
------
20 يوم الأخيرة
على الريق المفتقه المصرية
مع الفطور حليب معه فلفل ابيض
شاي يانسون
العصر :
تمر معجون بالسمن والرشاد
القهوه نفس الخلطه 20 يوم الاولى
الشاي قشر قهوة + قرفه
قبل النوم : حليب مع فلفل ابيض
تبخير الرأس بالاذخر لاخراج الهواء
الغسول : ( ارطا- ملح خشن)
وياليت تفيدني بخلطة خل التفاح مع الزيت زيتون للبطن لاني سمعت انه يضر الجلد وناويه ابدا اشد من ثاني اسبوع .
وصابونة المحلب للبشرة شرايك فيها ؟
والكركم الاخضر متى اقدر اخذه وهل له فايده؟
والحزا ياليت تفيدني وش ينفع فيه؟؟
وهل نظامي صحيح وواذا خطأ وش تنصحني فيه ؟
وجزاك الله خير ،،،
__________________
قمة الألم ..
أن يكون الزوج آلة صراف
والزوجة آلة تفريغ رغبة..!!
التعديل الأخير تم بواسطة twitter ; 19-04-2012 الساعة 07:38 AM