رد : فضفـــضه .. .. قسوة الوقت والاخوان ...
الغاليه عصفورة ..
انا معارضه فكره زواج اخوي من بنت عمي بس صوتي بدون فايده يعني بكل الأحوال بيوافقون على الزواج .. واتمنى انج ماتخلطين بين موضوع اخوي وموضوعج .. والسبب
انتي تحبين وتعشقين .. بس ذياب وشمسه متى جافوا بعض عشاان يحبون الا عشان صله القرابه ..
عصفورة الموضوع موب موضوع رضاي او موافقتي لانه بكل الاحوال يقدرون يعرسوون.. اناواعوذ من كلمه انا قررت اوافق وادري موافقتي ماراح تغير من موقفهم ..
بس عهد عليااا .. وقطعته بيني وبين نفسي .. انه ايدي مااجوف الحناء بعرسه وملجته .. اني ماراح احضر .. وادري اني الخسرانه لانه كنت اتمنى افرح باللي بقالي من اخوان .. كنت اتمنا افرح من قلبي وكل اللي اقوله الله يوفجك يااخوي ذياب وتلقى سعادتك مع شمسه .. ويرضى ربي عنكم ..
بالنسبه لي ماراح احضر بس ماارح اقولها بويهم .. راح افجأهم فيها بهدوء .. خواتي يسدن مكاني انا بستغل وقت الملجه وبكون في العمره ان شالله بحاول بقدر مااقدر اكون بالعمره واذا ماقدرت بسير بيتنا القديم ليله كتب كتابهم بعيد عنهم لانه خواتي كلهم بيكونون في بيتنا ..وقتها وبباتون اذا ردوا من بيت شمسه ..وانا ماابا احتك بحد وقتها .. وليله عرسهم ربي يوفجهم ساعتها بجوفلي صرفه ثانيه وهذا قرارا اتخذته عن قناعه اخر شي اقدر احافظ فيه على احراج امي .. مااقدر اسوي اكثر من جي مااقدر اتنازل .. اكثر .. شمسه توها صغيره شو دراها بالحب وطاريه شمسه شابه تحب تعيش حياتها مع ولد عمها لااكثر وانا ابصم لو خطبها واحد غير اخوي بتوافق
عصفورة انتي موب فاهمة حياتنا انا ماعندي الا خليفه وذياب وبطي .. بطي اخوي حتى لو مات .. تعرفين شو يعني الاخ..
عصفورة انا اكتبلج واتخيل بطي جدامي تعرفين ليش؟؟
الاخ ياعصفورة مايتعوض بس الزوج يتعوض انا خسرت اخو واعرف معنى الخساره مابا اخسر الباقين .. افهميني .. الزوج يتعوض بس الاخ مابداله اخو .. العزوة السند العضيد لو درات عليا الدنيا واحتجت سند لي القاه اخواني حولي يسندوني .. الزوج مايتامن يالغاليه بس الاخ والدم والغيره اقدر امننهم عند اخواني ..
لاتخلطين موضوعج بموضوعي ..
شمسه انا اعرف امها مارد البنت تستوي شرات امها وماراح يرتاح اخوي معاها .. عمي ماارتاح مع ام شمسه وتزوج عليها اختي تطلقت لانها ماراتاحت مع اخو شمسه وتطلقت .. عصفورة الموضوع موب موضوع الموافقه ..
الموضوع موضوع مستقبل .. امي كانت تباها بس عقب مااكسرو فرحتها واحرجوها لا .. كل اللي اابه يكونون بحالهم ويتركونا بحالنا ..
عصفورة افهمي الواحد يوم مايباكك .. ويحرجك وبعد موتك بيفرح على حساب الفرحه اللي ماتتموها عليك وقتها ..
واسمحيلي طولت عليج وربي يحفظج