مشكوره يادلع وكلي زين الله يعطيك على قد نيتك وقسم حسيتك نفس اختي اللي تخاف علي ربي يعوضك ويسخرلك جميع خلقه ويفرجها عليك والله خليتيني احس اني عندي اخت تخاف علي وافضفض لها ولايهونون باقي العضوات والاعضاء بميزان حساناتكم،، انا قلت لكم ان جدتي زعلت مع بناتها وراحت بيت بنتها وبعد ماضربني عمي بيومين جت مدري ليه رجعت لبيت ابوي وهي كانت تقول انها زعلانه عشان ابوي طرد خواته لكن يوم جت يومين ماشفتها مانزلت لها ابد وبعد هاليومين نزلت سلمت عليها وماقالت لي شي رحبت فيني بس عادي كان مافي بقلبها شي علي ورجعت لغرفتي ونمت وابوي جلس مع جدتي ويسولف معها وقال ليه بناتك يسوون ببنتي كذا وش سوت لهم عشان يعادونها قالت لابوي وهي تسولف ان عماتي قايلات لها ان اللي بنتك تكلمه بيوم من الايام اتصل فيك وسو نفسه هندي وهو فعلا جت فتره لابوي واحد يتصل فيه ويسوي نفسه هندي وهم عندهم خبر لان ابوي كان يقول لعماتي وعماني تعرفون هالرقم يتصل ويسوي نفسه هندي قالو لا ،، ووقتها ماكنت متهاوشه مع زوجي يعني اموري كانت طيبه لكن من خباثة عماتي قام ربطو السوالف مع بعض ويبون يشككون ابوي فيني نفرض اني فعلا اكلم ليه توه يتذكر يتصل وهم يقولون قبل تتزوج وانا صارلي 3 سنين متزوجه يعني هو توه يتذكرني وشي ثاني لو بكلم ما اكلم من جوال ابوي وعلى فكره ابوي مو كبير مره ومثقف وفاهم ويعرف بالكمبيوتر وبالجوال وكل شي يعني بكون ماخذه حذري منه هالنقطه لكنهم هم ربطو الموضوع لان ابوي وراهم جواله ويسالهم تعرفون هالرقم تعرفون هالرقم ازعجني وسال عنه لقاه بدون بيانات ونسينا الموضوع ولا عطيناه اهميه والحين تلفون البيت مايسكت نرفع السماعه يا احد ساكت او يطلع صوت نفس وابوي يوم قالت له جدتي جا يسالني يقولي امانه واسالك بالله تعرفين هذا عماتك يقولون هو الهندي قلت يبه والله العظيم ما ما اعرفه وهم كذابات يربطون المواضيع ببعض وانت كنت تمشي وتسالهم لو انه صحيح ليه هم متاكدات انه فعلا لو كنت اكلم انه هو وسكت ابوي وقال غريبه بعد يتصلون على البيت قلت والله انه هالحركه منهم اكيد قال ابوي اكيد ما استبعد عنهم شي اللي طعن بسمعة اخوهم وماخافوا الله يسون هالشي مو بعيده وانا بكيت من قلب وجلست على سجاداي ودعيت ان الله بعجل بنصري لان كل يوم سكين بظهري وظهر ابوي ،، امي قالت لنا لاتنصدمون كل يوم بيطلعون لهم بسالفه ولو انه صحيح وش اللي يخليهم يتاكدون ان هالهندي هو الرجل اللي متهميني اكلمه ابوي عارف انه كذبه منهم لانه الحمدالله مافقد ذاكرته عارف انه كان يشتكي لهم بنزعاجه من هالرقم لكن هم ليه ربطوها انه هو الرجل اللي متهميني اكلمه وقلت لابوي اذا مو مصدقني طلع البرنت جوالك باسمك روح الاتصالات وطلعه يايبه وبتعرف بنتك عدل ،، المهم ابوي طلب مني انزل لجدتي واسولف معها وابكي عندها واقولها ياجده ليه كذا وش سويت وانتي كبيرة البيت المفروض تصلحيين وتقولين لهم عيب هاذي بنت اخوكم واللي يمس سمعتها يمسكم رحت وسويت اللي قاله ابوي وقلت لها قالت لي جدتي عماتك مايكذبون قلت الا ياجده كذابات وانتي مصدقتهم لكن الله بيظهر برائتي وحقي الله بياخذه منهم ودعيت عليهم قدامها والله الله يبلاه ببناتهم مثل مابلوني وكما تدين ياجده تدان اتهمو امنا عايشه وهي طاهره اللي براها من سابع سما وان شاء الله بتشوفيت بعينك ياجده برائتي انا مومنه بالله والله قال بعزتي وجلالي لا انصرنك لو بعد حين وانا ياجده بالح على الله بداعي يعجل بنصري قالت جدتي انتي يابنيتي ماسفنا عليك شي وعماتك شافو قلت شافو وين اللي شافوه خليهم يجيبونه انا بعد ابي اشوفه سكتت وقالت رجالك يوم جانا يبيك وعماتك هاوشه وقالو له رجع زوجتك وحرام عندها طفلين قلت مو هم متهماتني كيف ياجده يقنعونه يرجعني وهم متكلمات فيني عنده قالت لا رجالك مايدري انك تكلمين بس شاك فيني قلت شاك فيني لا هو مو شاك هو قالي روحي اسالي عماتك وان امك ضربتك واخذت جوالك وبذاك الوقت ماكان عندي لاجوال ولا لاب توب اصلا كان عمري 17 او 16 يعني لو اموت محد بيجيبلي جوال او لاب توب المهم وقالت عمتك الصغيره تبكي عنده وتقول حرام عليكم فضحتوها تقول لزوجي وقالت جدتي هو اتصل فيك وانا جالسه جنبه وقالك وشلونك طيبه وسالتني قالت مو هو اتصل فيك قلت الا اتصل فيني قالت ايه ويوم سكره منك قلت له دامك تكلمها يالنذل ليه ماترجعها وتقول انه رد عليها وقال والله يا جده انها زوجتي اغلي عندي من ولدي اللي قلت لها جيبيه بشوفه والله انها غاليه ومكانتها عاليه ومانقص قدرها عني وقالت له جدتي اجل دامها غاليه ليه ماترجعها قال زوجتي كذابه وان مزعجتني بسلوبها والله ياناس انه هو الكذاب وان هو اللي مزعجني باسلوبه ايه وقلت لجدتي لا ياجده هو مو ساك هو سامع فيني ومن داخله مو مصدق ومصدق يعني بالع مشتت وقلت وعماتي مو هم قالو لعماني ان بنت اخوك لها ماضي مو عجزانات يقولون لزوجي قالت زوجك مايدري عن سالفة العتيبي ويبيك مايبي يطلقك قلت كيف مايدري وانتي بلسانك قبل قلتيلي ان امه قالت اه رجعها وقال مابيها هي تعرف عتيبي قبلي قالت جدتي لا انا ماقلته انكرت وقالت عماتي يبونك ترجعين لزوجك وجالسين يقولون له رجعها حرام عندها طفلين وان بغيت تتزوج عليها تزوج بس رجعها هي وعيالها وقال والله انها غاليه وانا ماتقنعني اي انثى غيرها واني ابيها واحبها بس انا خايف من ابوها خالي لاجيت له بيذبحني لان خالي مقهور ومعصب وقالت لي جدتي انه ماجاكم للحين خوف من ابوك وان وده يرجعك قلت طيب مو عمي يقول لابوي بيجيك زوجها وابو زوجها وينه ابو زوجي ما جا ماشفناه ياجده كله كلام قالت ابو زوجك حالف مايطب على ابوك لان ابوك تففل بوجهه وقاله انت وولدك منتو رياجيل وسكر بوجهه وهو ماله ذنب ابو زوجك ةمشكلتك مع ولده مو مع ابو زوجك قلت انا غريبه ياجده بداية السالفه عماتي قالو ماقلنا وان زوجها يبي يفرقنا ويربط عصاعص والحين عماتي قالو احنا اللي قلنا مع بناتهم والحين يقنعون زوجي يرجعني ويقولون ان زوجها مايدري عن السالفه اللي قلناها عن العشيق اللي متهميني فيه وانت بيوم قلتيلي ان زوجك يقول مابيها عندها عشيق عتييبي والحين يبوني ارجعله والله غريبه وزوجي كان يكلمني فتره ومن رجع منكم وهو مايرد علي والله ياجده لو عماتي قايلات لزوجي شي من صالحي ولا قايلات له رجعها صحيح ماكان سحب علي واتصل ويطنش الا كل ما رجعلي انتم عبيتو راسه وتركني قالت والله ان عماتك يقولون رجعها وعندها طفلين حرام وهو يقول انا ابيها بس خايف من خالي قلت ياجده لو يبيني صحيح والله يجي ولو ابوي يذبحه بس يجي ولو انه خايف علي كان ماسمح لاحد يتكلم فيني واذا مو عشاني عشان سمعة عياله لاكبروا عاد جدتي قامت تحلف ان عماتي يقولون رجعها وان هو يقول ابيها وهي غاليه عندي ومايقنعني من الحريم غيرها بس هي ازعجتني باسلوبها وان هي كذابه وانا ماقلت لها انتي تكلمين انا قلت لها اجلسي عند امك وعدلي نفسك ومن اسلوبك وهو اللي كذاب ماقالي كذا،، عاد قلت لامي السالفه وامي قالت جدتك فيها كذب من اول وهي تكذب والدليل انا سالتها وعمي يوم ضربني ليه عماتي يقولون له دامهم بيصلحون قالت مو عماتك قالو له انا قلت له وابوي سال عمي قاله ابي اللي قالت لك منهي قال فلانه يقصد عمتي يعني جدتي تكذب والدليل من رجع منهم زوجي وهو مايرد علي مدري ليه لو مايبيني يطلق ويفكني من هالكلام اللي كل يوم اتعبني وجدتي قايله لامي ان عماتي قويات ومو بحاجتة ابوي مو محتاجاته بشي مايهمهم ان خسروه ولا لا حسبي الله ونعم الوكيل صار ابوي مايهمه وهو اللي وقف معهم يوم تطلقت عمتي ورجعها لزوجها ولا عماني الباقين شايلين يدهم والثانيه يوم انسجن ولدها وهو موكل لها محامي ودنيا وواسطات وطلعه كل هذا وهم مو بحاجته وجدتي قالت لامي وش فيكم شبيتو نار لاتخافون تراه مو مطلقها بس يبي يمرضها قصدها بيمرضها بيعلقني ويعذبني وان اتعب من فرقاه وانه بيأدبني هذا اللي فهمته امي من كلام جدتي ،، وعمان زوجي ولدهم بيتزوج الخميس ويتصلون على ابوي عشان يعزمونه وابوي مايرد عليهم وقام عمي انا اخو ابوي اللي ضربني ارسل لابوي مسج وكاتب فيه عيب عليك ياخوي رد على الرياجيل لاتخسر الرياجيل عشان سالفة امرأه ويكفي ان هم اللي معاهم الحق وساكتين وان زوجها متحملها وهي لها ماضي وانت ياخوي طافت عليك امور كثيره وانت حر،،، والله قهر حاطين براس عمي ان صحيح السالفه وهو مصدقهم ،، والحين انا وامي مو عارفين شي ومادري جدتي صادقه بكلامها ان عماتي قالو رجع زوجتك وان عيالك وان زوجي مثل ماقالت ماقالو له كذبتهم ان اعرف الرجل اللي قالو عنه وان زوجي مخليني عشان اسلوبي مو عشان شي ثاني وايه نسيت اقولكم هم مفهمين عمي اللي ضربني ان زوجها مايدري انها تعرف واحد عتييبي بس انت تعرف واحنا وعمي مصدق كانهم ساحرينه ومصدق كلامهم وعمي قايل لامي بلسانه تعالي انتي وزوجك يقصد ابوي وراضو خواتي وخلي اخوي يدخلهم بيته تراه مايعرف ان بنته لها ماضي يوم قال كذا قلت انا اي ماضي قال العتيبي وانكتمي قلت لا انا اعلم ابوب الحين قال لاتخربين بيتك ترى زوجك مايدري شوفي كيف كذب عماتي فهمو عماني ان زوجي مايدري بس انتم يا اخواني اللي هم عماني ،، والله احس انهم هم يدرسون ابلييس مو ابلييس يدرسهم ،، والحين مدري وش نسوي انا واني وابوي خايفين من الكلام الجديد مرات يجيني احساس خلاص مابقى شي اكبر عشان يقولونه كل شي قالوه كذب وش اعظم من اللي صار ومرات يجيني احساس خوف مو من شي اخاف على عيالي وش راح يصير لهم واخاف من حركات عماني يهددون ابوي ياتراضي خواتك يانربي بنتك واخاف ابوي يجلطونه وعمي اللي اكبر من عمي الصغير جا لابوي وباس راسه وخشمه ويده وهو يبكي يقول انا مسافر لكوريا عندي دوره اوصيك على عيالي وبناتي وامي وابوي خنقته العبره مجروح منهم مارد عليهم هذا عمي اللي سافر كان اخو وصديق وكل شي بهالدنيا لابوي لكنه ماتدخل بس مستمع وحاول يصلح وحاول يسكت خواته ويقنعهم لو ان الكلام صحيح يسكتون وان الله ستار على عبيده ماسكتو وهو عارف اني مظلومه بس مابيده شي يسويه سكا كفا خيره وشره وابوي مجروح منهم ومن اخوه اللي سكت ورفع يده من الموضوع بدال لايصير عون لابوي يوم راح عمي للمطار بكا ابوي حيل عشان فراقه وهو ماراح يطول اسبوعين وراجع بس هذا اللي صار والله يستر من الجاي وحبيت افضفض لكن مدري وش يقصدون مره يقولون قلنا وزوجها مايدري ويقولون له رجع زوجتك وعيالك ومره يهددون امي يقولون احنا زوجناها ورفعناها فوق وبنزلها تحت يقصدون رفعوني فوق انهم زوجوني ولد اختهم ودللني ودلعني وطاير فيني والحين نبي ننزلها تحت والله ناس عجيبه ،، لكن انتم وش تفهمون من نكرانهم بعدها يقنعون زوجي وانه مايدري وتهديدهم لنا،، الله العالم بحالي وحال ابوي وامي ،، ولاتنسونا من دعواتكم