انا تابعت موضوعك السابق بكل ردودهـ وعرفت معاناتك مع خطيبتك السابقه ,,
أنا في رأيي أي واحد مقبل على الزواج أول شي يشوفه في البنت ( شخصيتها ) ,,
الشخصيه هي الأساااااااااااااس في كل شي
يعني مثلا إنت شوف الأشياء اللي تحبها في البنت !!
نفسك البنت اللي بتكمل معاك عمرها تكون خفيفة ظل مثلا وحيويه ومرحه وحبوبه وست بيت ,,
أو تفضـل وحده شخصيتها قوية وعاقله وراكزه كلامها قليل وموزون وطموحه ,,
ممكن تبغا بنت صغيره وشخصيتها ما اتكونت لسه عشان مثل مايقولو تعودها على طبعك ( رغم اني ماافضل هذه النوعيه )
يعني حط في بالك كيف شخصية البنت تبغاها ؟ وأكيد لو كانت مثل ماتبغا انت راح تحبها وتشوفها ملكة جمال في عيونك
وطبعا لاتقول ابغا فيها كل الصفات لأنه شي مستحيل تلاقي وحده فيها كل شي
لكن أسأل نفسك إيش الجانب اللي تفضله في البنت ؟؟؟؟
كيف راسم شخصية فتاة أحلامك في خيالك ؟؟؟؟
كمان سؤال مهم عشان نقدر نساعدك
كم عمرك ؟!
أنتظر إجابتك وبعدها ندخل في الأمور الأخرى اللي لازم تبحث عنها في زوجتك المصون ,,,