اخوي الكريم
اجوف انك تقعد معاها وتجبرها تتكلم ..
قولها بالحرف الواحد؟؟
انا صرت اكره ارد للبيت لمجرد مااحتك فيج وكانج غريبه عليا موب حلالي.. شو اللي غيرج وخلاني تكرهيني فيج وفي البيت
اذا تبيني اراعيج انتي بعد راعيني كوني زوج لج سترج وغطاج ..
وحاول تفهم الاسباب اللي تدفعها لتصرف بهالطريقه وخلها توضحلك كل اللي بخاطرها
وانت اقعد معاها ولاتقوم لين ماتوصل للحل
قولها تبين الطلاق بطلق بس ارحميني ولاتحولين حياتنا لجحيم
حتى الكلمه الطيبه بالعافيه اسمعها منج .. وكاني اشحت منج .. الحياه معاج صارت صعبه .. انتي ماتراعيني ولاتقدريني وكل حياتج صراخ وهواش ونكد وهم لين متى؟؟ وكل اللي تطلبينه مني اسويلج اياه واللي الله يقدرني فيه... خلاص مابقى بالعمر كثر اللي راح .. خلينا نعيش براحه بال .. واذا ماتبين تستمرين معاي صارحيني ماعندي وقت اضيعه في مشاكل وضرابه وامور مابناخذ الا شرها ..
ولا بجبر نفسي عليج وانتي رافضتني من داخلج
حتى زملاء عملي اجوفهم متلهفين يردون البيت لانهم مرتاحين ومتشوقين لحريمهم وانا لااا.. اتعمد اتاخر عشااني مااسمع كلمه تحز بخاطري وتزعلني وتجرحني
العمر اايام ونعيشه وباجر بنموت وبنفارق الدنيا .. لاتخلينا انضيع لاوقت بالخوف والعناد والفراغات اللي صارت وسيعه بينا
والله يهدي سرك ان شالله ..
التعديل الأخير تم بواسطة جيفارا aD ; 15-04-2012 الساعة 01:35 PM