سمعيني ابكي تمسكين سجادتك كل ليله وتصلين على الاقل ركعتين
وادعي من قلب محروق ولا تدعين على احد لا ادعي لزوجج وادعي لعماتك بالهدايه ادعي لهم لا تدعين عليهم
بس قولي ربي انصرني على من ظلمني وكلمه حسبي الله على كل من ظلمني لا تفارق السانج سمعتي و
لازم تغيرين شريحتج لازم لازم او اكسريها او وديها لابوج قوليله يبى انا هاذا الرقم مابيه
ولا ابي جوال ولا ابي شي مابي الا رضاك طحي على راس ابوج وحبيه
والله ابوج اهو الي قاطع قلبي بكل هالسالفه ترى الطلاق مو نهاية الدنيا وعيالج مصيرهم يكبرو سولى معاج او مع ابوهم
بس ابوج على هالعمر راسه نزل بالارض بسبب الكلام الي طلع عليج وربي لا يسامح الي كان السبب
فهمتي اقاطع اهله خواته واخوانه عشان بنته وبالاخير هالبنت ترجع تتكلم مع الي بالاساس لو سكت خواته وخلهم ينطمون
ماكبرت السالفه من الاصل عرفتي ليش قلوبنا محروقه عرفتي ولالا
محروقه لانج قاعده تركضين ورى واحد اهو اساس جزء من المشكله لو كان عقله كبير ومغطي اذنه عن الناس ولا يسمع بزوجته وام واعياله ماكان صار الي صار من البدايه انا بخليج ولا تقطعينا وسوي الي نقولج عليه
ويا اعضاء المنتدى خفو عليها شوي لا تهزؤونها البنت الحب عامي عيونها الحين
بس ان ماسمعتي كلمنا انا اول وحده بقلب عليج اوكيه ننتظر اخر تطورتج ومع السلامه