السلام عليكم .....

و الدنا الفاضل ، بارك الله فيك ..
نعجز حقيقة عن شكرك لآرائك السديدة و توجيهاتك القيمة

مستجداتنا ..

تجربة الانتقال رائعة مع أني ما كنت متقبلها لكن فعلا
لها ايجابياتها الكثيرة ..

صح أني دفعت ضريبتها من خسارة نصف أواني المطبخ اللي محروق و اللي
مكسور و اللي ضائع !!
و من صحتي نتيجة الاكل المضبوط ، تلقاني مرة مغثوث و مرة ممغوص ..
و من حريتي فانا ماسك خفارة دائمة في البيت ! تحسبا لأي حالة طارئه
و من أعصابي ، ففجر تسال مليون الف سوال ؟!! عن كل شي ..
و تبكي اذا ما رديت او اذا تنرفزت ..

لكن الحمدلله فيه نتايج ملموسه و تقدم واضح في حياتنا
ففجر صارت على قدر من المسولية ، و قدر من الوعي
و حسيت أخيرا أني متزوج ..

لكن الغريب ان أمها ما سالت عنها الى الان !!
رغم حرصها عليها و شدتها و اهتمامها الا ان كل هذا
اختفي و لها اكثر من شهر ما كلمتها لاهي و لا أخواتها ..

اكرر شكري لك و جزاك الله خير الجزاء