اورااق تسلمي ياعسل ربي يسلمك و يسعدك قولي امييين


هالة ..الحمدلله رب العالمين كانت سفرة حلوة المهم انبسطو الكتاكيت

رحم الله ميتكم .. انا لله و انا اليه راجعون ربي يرحمه ة يغمد روحه الجنة
ويصبر اهله و اطفاله والله الموت الفجأة متعععععببب
الله يعينهم و يلهمهم الصبر

بالعكس ياهالة اذا انتي مقصرة انا ايش اقول والله اني مستحية منكم
ومن تقصيري بالكتابة لكم و مستحية من حلم و عشوووقة .. بس والله
الوقت ماعاد فيه بركة .. اليوم يمر بدون ماحس فيه
بس ركض ركض ركض ..القى الساعة صارت 12 الليل و لا وحدة
يالله احط راسي و انخمد و اليوم الثاني اصحى من 7 الصبح معركة جديدة
على الصحيان و الحضانة .. تصدقي رجعنا من السفر من 5 ايام
مافضيت الثياب من الشنط الا اليوم الصبح .. مالقيت وقت
من على ما رجعت شغل البيت مااااااااااااااااااايخلص

قومي جهزي ودي الحضانة ارجعي رتبي وسوي الفطور
نظفي بعد الفطور ..غسلي الملابس و انشريهم (صار عمل يومي من كثر الملابس الله المستعان )
لمي ملابس امس و دخليهم الدواليب قومي سما غيري لها و فطريها وحضري اشياء الغدا
رجعي يوسف من الحضانة و لازم يلعب شوي برا
ارجعي اطبخي الغدا واجري بعده سااااعة عشان يكمل صحنه و على ترغيب و تهديد ووعيد
وحب و بوس و ضرب و خبط عشان يكمل لقمته
وبعده غدي اخته و طبعا يرجع البيت وكانه حرب شعواااااء من الارز المتطاير بكل مكان
ولا البطاطا المتناثرة على السجاد
ويالهوي على بصمات يوسف على الشبابيك و علم شفايفة على اكمام القمصان
نظفي بعدهم و غدي ابو الشباب و نظفي بعده
قومي نومي البنت شوي .. يكون ابو الشباب هضم شوي و يدور حلى العصريات
ارجعي للمطبخ سوي اي شي و شاي .. اجلس يمكن ساعة معاه
يكون صار مغرب
حممي يوسف و حممي سما و عشيهم و واضارب يوسف سااعة عالنوم
و بعده سما يحلى لها اللعب بالليل و بس خليها على الارض تستكشف
واجري بعدها من مكان للثاني . مو خايفة الا على ركبها يسودو كفاية امها خخخخخ

ونرجع للمطبخ من جديد و العشا
وبعد العشا الا ماتطلع لي شغله يا كوي او كتابة رسايل لزوجي ..
او اذا ماافي شي يكون وقت فراغي الوحيد .. خلاااص اكون وصلت حدي و طفشاااااانة
حابة بس استرخي عالسوفة و ما اكلم اي حد
حتا زوجي اترجاه يروح ينام بدري و يخليني شوي مع نفسي ..
ولا اتصل على حبيبتي ماما و نقعد نتكلم ...
خلاص يمر اليوم

هذا وهم ماطلعوا من البيضة كيف بكرة اذا صاروا مدارس
و كمان ناوية ادخل كورس لغة .. شكلي خلاااااص باعتزل الانترنت كله

معليش طولت عليكم يابنات بس خلوني افضفض ..
نفس الروتين كل يوم .. الحمدلله جت الاجازة و غيرنا شوي و لا كنت بااطق
حاسة صرت مدفوونة بس بين شغل البيت و الاطفال

وارجع افتح التلفزيون و اشوف اهل سوريا الله ينصرهم
و اقول اللهم لك الحمد .. بلا دلع يابنت
بس تعرفو الا ما تجي هذه الوساوس من وقت للثاني خاصة مع الغربة ..
انا مليت .. انا تعبت .. روتين . ملل .. انا شغاله
اعوذ بالله من الشيطان الرجيم . اللهم لك الحمد و الشكر

على العموم بعد الدباااجة الطويلة دي
متى نازلة الاجازة ؟؟ و كملتي شرا الهدايا

بنوتات سلامي و بوساااتي لكم كللللللللللللللللللكم
ربي يسعدكم و ينولكم ماتتمنوه و نفرح بحملكم قريب يااااااااااارب العالمين

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله