اقتباس:
المشاركة الأصلية كتبت بواسطة روضة بوظبي
جوفي غناتي الحمدلله رب العالمين عندنا في مستشفياتنا المراه هي اللي تولد سواءن بالخاص او الحكومه..
هذا بخصوص التوليد
اما بالنسبه لعمليات شفط وتجميل الصدر بالسيلكون طبعن هني راح يكون رجل
وبالنسبه لامور الثانيه الجلديه او عيون او غيره يوجود نساء دكاتره ..
بس راح اقولج على موقف بسيط .. يمكن بتضحكين
اذكر ضربت موعد لأسنان عندي ضرس يباله تلبسه من فتره السالفه ماكنت اعرف انه دكتور مواطن اماراتي لانه اسمراني فقلت احتمال يكون من سودان او شي عادي بفج حلجي موب مشكله المهم يروح العوار ..
بس يوم قام يرمس صخيت قلت والله مافجيت ويالله اسمحليا من رخصتك بسير
قام يضحك ومات من الضحك عليا
قلتله دكتور والله ضرسي مافي شي خلها عقب بضرب مع دكتورة مااعرف ليش دخلوني عليكوالله ماابطل حلجي وضروسي مافيها شي بس دلع بنات ..
لين مااقنعني انه بيعالجني غصبن عني وهو ميت من الضحك لاني انصدمت كونه مواطن ..
قالي طلعه مابتطلعين لين مانجوف عوق ضروسج .. تميت اضحك اقوله فضيحه قال ماشي فضيحه يالله انسدحي خل نجوف ضروسج
وخليفه اخوي كان معاي كان يطالع باغراض الدكتور ويغايضني بيضربونج ابره والممرضه فلبينيه
يعني يمكن هالطبع السئ فيني لو كان وافد موب مشكله حياك عالج ضروسي لاغير
بس مواطن لا ممنوع تخاوش ضروسي ..
بس صج هالمواطن ماانساله الموقف وانا ليومج كل مااذكر وهو يعطيني الحلول اضحك
والسموحه
|
حياكِ الله يا أخية..
حقيقة امر تُشكر عليه وزارة الصحة الإماراتية كونها ألزمت المستشفيات الخاصة والحكومية بأن لا يقوم بالتوليد إلا طبيبة وليت وزارتنا تحذو حذوهم في هذا الأمر..
أما بالنسبة لعمليات التجميل فهناك ضوابط ذكرها العلماء
فأغلب عمليات التجميل ليس لها أي حاجة إنما تغير لخلق الله
ومسألة تجميل الصدر كما ذكرتِ وسيلكون وما سيلكون ما الداعي لها غير الترف؟!!!!