السلام عليكم,,عوده أخرى..
معليش ادري الموضوع مغبر كح كح
بس طلعته,,لأن صار شي قبل شوي
يعني السالفه طازا..

ياطويلين العمر قبل شوي كنا قاعدين
نتناقش عن الزواج ومدري ايش وخواني يبون يخطبون وتسذا ,,فقلت يابنت تشجعي وقولي

قلت ليه مافيه نظره شريعه؟أنا بس قلت ذا الكلمتين شوفو وش ردو

أخوي مثلا قال:مسويه فيها منفتحه قلت هذا
دين موب أنفتاااااح/وتفاجأت انه مايدري أصلا عن حديث الرسول عليه الصلاة والسلام عن النظره

أختي قالت:ترضينها على نفسك كل من هب ودب وجا يخطب يشوفك وأذا ماجزتيله راح
قلت هذاااااا شرع الله

المشكله يظنووووون ان السعوديه كلها عايشه بذا النمط

قلت على فكره ترى نسبة الأغلبيه بالمملكه مايتزوجون الا بذا النظره وعلى راسهم مشايخ وعلماااااء؟

قالووو لا مو صدز,,وبعدين النظره الشرعيه ماتصلح لمجتمعنا قلت ليه وش فرق

قالو تبين كل من جا وخطب وماعجبته راح يفضح بالبنت وفيها ومافيها وينكسر خاطرها ومن ذالكلام,,

قلت لأخوي طيب هذا موب أحسن من أنها ياخذها ويتفاجئ بعد الزواج ويمكن ماتعجبه قال وركزووو:يمكن صح ماتعجبه بس مع العشره يصير فيها اشياء تحببه فيها!

صراحه أقنعني بذا النقطه,,,بس بالعموم قوبلت بالرد الاذع وكني قلت شي محرم!والحوار كان طويل وكان على أشده,,والكل كان علي...

قررت ماعاد ابد اناقشششهم...

ارائكم؟؟