انت تقولين اشلون مايسألون على ولدهم قطعه منهم من لحمهم ودمهم !!!!!!!!
اختي نسيتي نفسك انك قطعه منهم بعد ومن لحمهم ودمهم وشوفي وش سووا فيك
اختي هذولي جبابرة وظلمه وذوي قلوب حجر قااااسية لاتفكرين بيرحمون ولدك لانهم مارحموك اساساً ولاخافوا ربهم فيك لان الظلم ظلمات لاتخافين ربي بيفرجها عليك انت ابتعدي عنهم كل ابوهم وزي ماقالوا الاخوات اكسري الشريحه ساعتها ان بغااااك لازم تحطين شروط وشروط ترجع لك حقك وان مايبغاك قولي اهلاً بما سيكتبه لي ربي وشرفك وعفتك اكبر من اي طلاق وزواج يمكن بالعكس يكون الطلاق رحمة بك وفاتحة خير عليك والظاهر ان في تجاوزات كثيرة بحياتك حاصلة من اول سنة زواج واحياناً الحياة اللي ماشية غلط تحتاج لمشكلة كبيرة لتقطع كل سيء فيها وتنظم الحياة من جديد تدرين والله ثم والله ثم والله اني حااااسه ان هذه المحنة بتخرج من رحمها منحة لك اسئليني اختي حصل لها قصة كبيرة في حياتها وظلم على كيف كيفك وتشويه سمعه مو بس بين الاقارب بل بين الناس اللي نعرفهم ودخلوا بنفسهم المحكمة واشتكوا وطلب ببيت الطاعه هنا انهارت اختي والله كان دخولهم هم للمحكمة اللي يبغون منها تادبها والله ان المحكمة كانت هي الفرج لها وبدل ماتادبها ادبتهم وربي رجع لها حقها من طرف هم استخدموه ضدها يعني من حفر حفرة لاخيه وقع فيها وهذولي كل اللي تكلموا عليك واولهم زوجك عندهم بنات لاتخافين طال الزمن ولاقصر بيشوفون اعمالهم ترد عليهم ربي يمهل للظالم ولايهمله فاذا اخذه اخذه اخذ عزيز مقتدر
خليك مع ربي ولاتبالين ودوسي على قلبك حبك له وجريك وراه اكدله كلامهم عنك اشمخي وخليك بنت فلان مايهزها ريح ولا تتنازل بشرفها بكلمة وحدة وترى الحياة حلوة حتى لو ماكان فيها حب حبي نفسك واطفالك وربك قبل كل شيء *