حبيباتى القمرات السكرات العسلات

بصوا يا قمرات انا كنت فكرت انى مجبش تانى و اتوكل على الله
بس انا عندى مشكلة مع جوزى انه عصبى جدا و كل شوية يتعصب على كريم و ساعات يضربه و دا طبعا بياثر فيا نفسيا لدرجة انى فكرت انى اسيبه و انزل مصر لانى بصراحة خفت على كريم و على نفسيته انا مش عاوزاه يطلع معقد و كل ما نخرج مع بعض نرجع البيت بخناقة و جوزى عمال يقولى مش خارج معاكو تانى
و الله بقيت بشيل الهم من خروجنا مع بعض
و مع الاسف يا منى مينفعش اوديه معرفى فى وقت خروجنا احنا بنخرج مرة واحدة فى الاسبوع يوم الجمعة و اعتقد ان من حق كريم انه يخرج معانا و مع باباه فحرام اليوم اليتيم دا كمان يتحرم منه
هو بيروح معرفى الصبح لحد الساعة 3
انا حجرب الشهر دا اذا لقيت الدنيا ماشية كان بها ممشيتش حنزل مصر الشهر اللى جاى لحد ما الشغالة الجديدة تيجى لانى ان شاء الله ناوية اعمل طلب جديد بس حبعد عن اثيوبيا المرة دى
و ربنا يسهل و ان شاء الله ربنا يكرمنا فى الجديدة و نفسى تراعى ربنا فينا
و الله يا بنات انا معاملتى كويسة معاهم و اصلا مش بحب ازعل اى حد
و الله و هى مسافرة جبتلها حاجات كتير ليها ولابنها جوزى بقى حيتجنن منى يقولى ايه اللى بتعمليه دا بقيت اقوله ربنا يكرمنى و طول ما فيا نفس مش حعامل بشر انا حعامل ربنا بس و هو اللى حيجازينى خير
و سبحان الله و هى ماشية من البيت كانت منهارة فى العياط و تبوس فى العيال و تعيط و تحضن فيا و تعيط و انا صباح الجمووووود عادى جدا و بقيت اقولها خلاص متعيطيش مش انتى كنتى كدة كدة حتمشى متعيطيش و كنت متماسكة جدا جدا بالرغم من انى دايما بعيط فى المطار مش عشان مسافرة لأ اى حد مسافر بيعيط لازم اشاركه وجدانيا

المهم الحمد لله بجد الحمد لله انها جت على اد كدة كان زمانى يا بنات وارء القضبان لحد ما يعرفوا انى مقتلتهاش
اقتلها ازاى اصلا انا واحدة بخاف من البرص و الصرصار اقتل بنى أدم؟!!!!!!!!!!!!


المهم انا بحبكم جدا جدا جدا و ربنا ميحرمنيش من احلى اخوات فى الدنيا
بجد يا بنات ليكم معزة كبييييييييييييييرة فى قلبى سبحان الله


يالا امشو بقى اروح اشوف اللى ورايا و ارجعلكم تانى

بحبكم فى الله

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة