حبيبتي العلاقة مينفعش تتبنى ع الماديات هو جاب ايه ومجابش ايه
انا طول فترة خطوبتي سنتين <<< خطيبي مجابليش الا كام هدية تتعد ع الصوابع
لانه هو اللي كان بيجهز الشقة وواقف لوحده ف التوضيب
مع ان الظاهر انه يقدر يجيب بس متعرفيش دخليات الناس ايه وكمان الواضح ان خطيبك بيهاديكي
يبقى تحمدي ربنا وبلاش مبالغة وندخل الشيطان
ويا حبيبتي مين اللي يفرض عليه انه يجيب ف المولد النبوي
ايه علاقة المولد النبوي بالهدايا
وكمان فالانتين ايه بس
انا لو كان خطيبي جابلي هدية ف الفالانتين كنت فسخت الخطوبة
يا حبيبتي احنا مسلمين ومينفعش نلتفت للتفاهات الغربية ديه
والخطوبة فيها الاهم من كدا بكتير
اهم حاجة تكون شرعية ترضي ربنا عشان يبارك لك فيها ويسعدك
واهم حاجة انك تفهميه كويس وتتعرفي ع طباعه وسيبك من الهدايا
بكرة تتزوجوا وظروفه المادية تستقر ويكون كله ليكي
وبالنسبة للجاتو اللي جابوه هدية معاكم
دا مجرد هدية وعيب اننا نحكم ع الناس من هداياهم احنا اكبر من كدا
النبي عليه الصلاة والسلام قال (إذا جاءكم من ترضون دينه وخلقه فزوجوه إلا تفعلوا تكن فتنة في الارض وفساد عريض)
مقالش اذا جاءكم اللي هديته حلوة !!!!!!!!
حبيبتي حاولي ترتبي اهدافك واولوياتك من الزواج عشان الشيطان ميدخلش بينكم
وكبري دماغك من كلام الناس والعادات الفارغة
وقال صلى الله عليه وسلم ( إن أعظم النكاح بركة أيسره مؤنة )
وبالتوفيق ربنا يسعدك ويفرح قلبك ويجمع بينكم ع خير

__________________