السلام عليكم ورحمة الله وبركاته

أعرفكم بنفسي أنا شاب عمري 23 سنه مملك لي 9 شهور تقريباً
طبعاً ماودي أوصف لكم جمالي أخاف تخربون حياتي الزوجيه < أمزح

المهم يـ أحبائي خلوني أعلمكم بالمشكله اللي أعاني منها لي 3 أيام تقريباً :

مثل ماقلت لكم انا مملك لي 9 شهور تقريباً وماباقي شي ع الزواج أن شاء الله المهم أشترية لزوجتي جهاز أيفون وقدمته لها هديه وبعدها بفتره يمكن شهر تقريباً أشترية خاتم ذهب عليه أول حرف من أسمه وقدمته هديه المهم بعد ماهديتها الهدايا هذي وقفت وجلست فتره ماخذت لها هديه وقبل 3 ايام سولفنا انا و المدام وقالت نفسها تشتري بلاك بيري عشان تجلس تسولف مع صديقاتها وقلت لها لا ممنوع ماقبل أنك تاخذي بلاك وانا مشتري لك أيفون وهو جهاز حلو و أكثركم يعرف يعني هالجهاز المهم إحتد النقاش وطلعت أنا الكسبان مافيه يعني مافيه بلاك دام الشغله عناد قالت انا ماحب احد يمنعني من شي وماني عارف مين المهم قفلنا وكل واحد فينا متضايق من الثاني .. جلست لين اليوم الثاني و تراسلنا انا وزوجتي وكان أسلوبي جاف ومتضايق من هالسالفه حقت البلاك .. المهم مادريت الا تقول لي انا أسفه وانا كيت و كيت واي شي تبغاني ماسويه ماراح اسويه ابشر ولا يهمك .. قلت خلاص مسامحك ومو شايل عليك < تخرفن امزح المهم طول الله في أعماركم .. قمت بعدها و اطق لها جهاز بلاك بيري جديد "حسيت بالندم أني منعتها من شي تبغاه "
وقلت لها انا اخذت لك بلاك وبقدمه لك مع الزواج
البنت انحرجت وبعدها طبعاً تغير أسلوبها معي زي اللي تثقل الله يطعني بس
وجلست أتكلم مع خويي وعلمته بكل الكلام اللي جالس اقوله لكم الحين .. فجأه طار فيني خويي << يمون
قال انت غبي ودلخ و حم .... الخ << قلت لكم يمون .. المهم قلت له ليش معصب الحين قال انت الحين تعطي زوجتك مجال عليك وتركب ع ظهرك << قلت ليه وش قالو لك حصان ولا دراجه بخاريه المهم جالس يقول لي والله انك بتتعب معها وراح تركب فوق ظهرك تجلس تطلبك كل شوي وتتدلع عليك لازم تكون شديد ومن الكلام الكثير اللي ماعجبني بصراحه انا احترت بعد ماشفت اسلوب زوجتي ثقل شوي وقلت يمكن كلامه صح وحبيت أني أطرح مشكلتي عشان تساعدوني وتفيدوني بـ ارائكم ومشورتكم

أتمنى ماطولت عليكم


دمتم في حفظ الله ورعايته