منتدى عالم الأسرة والمجتمع - عرض مشاركة واحدة

02-03-2012, 07:49 AM

#24

بنت الثلاثين

عضو جديد

تاريخ التسجيل: Aug 2011

المشاركات: 24

ياحليلها خطيبتك ..

ترا الوضع عادي .. واقل من عادي ولا تضخم الامور ..
الايام جايه وبتعرسون وتصير خششكم مقابل بعض ..

مسأله ماترد او ماتعطيك وجه بالعربي ..

فهي تحتمل اثنين ..

إما بسبب رواسب التربيه يعني عيب واستحي ولا تطولينها معاه ويقول وش هالجريئه ويشك فيك ..
او حاله سباهه مستعصيه ولامبالاه .. والله يعينك وقتها ..

خطيبتك مثل اختي تماما من النوع اللامبالي .. ولمن اسألها ليه هالتصرف تقول عشان مايفهمني غلط ويقول الجرئه ذي مي جايه من فراغ ..!!

وبعدين اسمحلي ترا بعد انتم يالشباب فيكم نفسيات ترا ..
بعضهم مريض بالشك وجالس يسوي اختبارات لشريكة العمر .. وهالاشكال كثير ..
فايمكن خطيبتك مفكره بها الشيء وحاطه لك حدود عسكريه ..

عموما ..

تفهم هالامر ولا تضخم الوضع .. وماصار شيء لو ماردت ..
وطالما بينكم اتصالات ولو قليله افضل .. لان كثرة الاحتكاك وخصوصا في الملكه يولد المشاكل ..
اذا قرب زواجكم كم اسبوع كثف الاتصالات واحشرها وافتح معاها مواضيع الدنيا من الالف الى الياء لكن طالما الوضع مطول بينكم خلهارسميات شوي ..
وحاول شوي شوي تعطي نفسك وتعطيها فرصه تتقبلون بعض ..

الأرواح جنود مجنده ...

والله يوفقك ويوفقها ويرزقكم بالذريه الصالحه ...

احس بيجي يوم بتكتب زوجتي هلكتني اتصاالات وكتمت على نفسي ..